165 سے زیادہ فلموں میں نظر آنے والے بالی ووڈ اداکار گووندا کو اب تک کے بہترین اور ثقافتی لحاظ سے سب سے زیادہ متاثر کن ہندوستانی اداکاروں میں سے ایک سمجھا جاتا ہے، وہ اپنی سلیپ اسٹک پرفارمنس اور رقص کی مہارت کے لیے بھی مشہور ہیں۔
ایک وقت تھا جب گووندا کو فلم کے سیٹ پر ایک تجربہ کار اداکار نے فلم کے سیٹ پر دیر سے آنے پر تھپڑ مارا تھا۔ یہ اس وقت کی بات ہے جب بالی ووڈ اداکار گووندا مقبولیت کی بلندیوں پر تھے۔
مزید پڑھیں
دوسری جانب آنجہانی اداکار امریش پوری کو ہندوستانی سنیما کے عظیم اداکاروں میں شمار کیا جاتا ہے جنہوں نے 450 سے زائد فلموں میں کام کیا۔ وہ نہ صرف اپنی اداکاری کی مہارت بلکہ اپنے کام کے حوالے سے اپنے نظم و ضبط کے لیے بھی جانے جاتے تھے۔
امریش پوری وقت کی پابندی اور وقت کی قدر کرنے کے لیے جانے جاتے تھے۔ ان کے کام کی اخلاقیات انڈسٹری میں مشہور تھیں۔
ایک دفعہ امریش پوری اور گووندا ایک ساتھ فلم میں کام کر رہے تھے، فلم کی شوٹنگ صبح 9 بجے شروع ہونا تھی اور امریش پورے وقت پر سیٹ پر پہنچ گئے تھے لیکن گووندا کہیں نظر نہیں آئے۔
گووندا اس دن فلم کے سیٹ پر تقریباً 9 گھنٹے لیٹ پہنچے۔ اس کی وجہ سے امریش پوری کو گووندا کے آنے کا انتظار کرنا پڑا۔
گووندا کے اس قدر زیادہ دیر سے آنے پر امریش پوری کو اس قدر زیادہ غصہ آیا کہ جب گووندا وہاں پہنچے تو انہوں نے بحث شروع کر دی جس کی وجہ سے امریش پوری نے گووندا کو تھپڑ مار دیا۔ امریش پوری کے اس تھپڑ نے گووندا کو اس قدر پریشان کیا کہ انہوں نے دوبارہ کبھی ان کے ساتھ کام نہ کرنے کا عزم کیا۔
