ملتان سلطانز نے پی ایس ایل 8 کوالیفائر میں لاہور قلندرز کو یکطرفہ مقابلے کے بعد 84 رنز سے ہرا کر فائنل میں جگہ بنا لی۔
فاتح ٹیم نے پہلے بیٹنگ کرتے ہوئے مقررہ 20 اوورز میں 5 کھلاڑیوں کے نقصان پر 152 رنز بنائے۔
ملتان سلطانز کی جانب سے کیرون پولاڈ نے 34 گیندوں پر 6 چھکوں اور ایک چوکے کی مدد سے 57 رنز بنائے۔ کپتان محمد رضوان نے 29 گیندوں پر 33 رنز جبکہ عثمان خان نے 28 گیندوں پر 29 رنز اسکور کیے۔
لاہور قلندرز کی جانب سے حارث رؤف نے 3 جبکہ زمان خان اور راشد خان نے ایک ایک کھلاڑی کو آؤٹ کیا۔
ملتان سلطانز کے 152 رنز کے جواب میں لاہور قلندرز کی ٹیم 14.3 اورز میں صرف 76 رنز بنا سکی اور اس کے تمام کھلاڑی پویلین کی راہ سدھار گئے۔
لاہور قلندز کے سیم بلنگز 27 گیندوں پر 19 رنز اور حارث رؤف 13 گیندوں پر 15 رنز بنا کر نمایاں رہے۔
ملتان سلطانز کی جانب سے شیلڈن کوٹرل نے 3 جبکہ اسامہ میر نے 2 کھلاڑیوں کو پویلین روانہ کیا۔ فاتح ٹیم کے کیرون پولاڈ 57 رنز کی فیصلہ کن اننگز کھیلنے پر مین آف دی میچ قرار پائے۔
