ملک کے مختلف علاقوں میں آئندہ 24 گھنٹوں کے دوران مزید بارش کا امکان ہے۔
محکمہ موسمیات کے مطابق اگلے 24 گھنٹوں میں اسلام آباد، راولپنڈی، مری، گلیات، گلگت بلتستان، آزاد کشمیر، خیبرپختونخوا اور پنجاب کے مختلف علاقوں میں گرج چمک کے ساتھ بارش کا امکان ہے۔
مزید پڑھیں
بالائی خیبرپختونخوا میں چترال، دیر، سوات، کوہستان، شانگلہ اور بونیر میں بارش متوقع ہے، مالاکنڈ ڈویژن، ایبٹ آباد، مانسہرہ اور ہری پور میں بھی بارش کا امکان ہے۔
پنجاب میں جہلم، چکوال، گجرات، گوجرانوالہ، سیالکوٹ، راولپنڈی اور اٹک میں میں بارش کا امکان ہے جبکہ لاہور میں مطلع جزوی ابرآلود رہے گا۔
محکمہ موسمیات کے مطابق وفاقی دارالحکومت اسلام آباد اور گردونواح میں بھی گرج چمک کے ساتھ بارش کا امکان ہے۔
