وزیراعظم شہباز شریف نے کہا ہے کہ پاکستان اور سعودی عرب ہر محاذ پر ایک دوسرے کے شانہ بشانہ رہیں گے۔ انہوں نے سعودی وزیر دفاع شہزادہ خالد بن سلمان بن عبدالعزیز آلِ سعود کو سول ایوارڈ ’نشانِ پاکستان‘ حاصل کرنے پر مبارکباد بھی پیش کی۔
وزیراعظم پاکستان محمد شہبازشریف نے ایکس پوسٹ میں لکھا ہے کہ یوم پاکستان پریڈ کے مہمان خصوصی سعودی وزیر دفاع سے ملاقات پر انتہائی خوشی ہوئی۔ شہزادہ خالد بن سلمان بن عبدالعزیز آلِ سعود کو پاکستان اور سعودی عرب کے برادرانہ تعلقات کو مزید مضبوط بنانے میں ان کی گراں قدر خدمات پر ’نشانِ پاکستان‘ حاصل کرنے پر مبارکباد پیش کی۔
Delighted to meet and exchange views with my dear brother HRH Prince Khalid bin Salman bin Abdul Aziz Al Saud @kbsalsaud , Defence Minister of Saudi Arabia who was Guest of Honour at Pakistan Day Parade. Congratulated him on receiving the country’s highest civil award…
— Shehbaz Sharif (@CMShehbaz) March 24, 2024
شہباز شریف نے لکھا کہ سعودی وزیر دفاع کے ذریعے خادم حرمین شریفین شاہ سلمان اور ولی عہد شہزادہ محمد بن سلمان کے لیے نیک خواہشات پہنچائیں۔ پاکستان اور سعودی عرب ہر محاذ پر ایک دوسرے کے شانہ بشانہ رہیں گے۔
