پاکستانی ٹیم سے ریٹائرمنٹ لینے والے 2کھلاڑیوں محمد عامر اور عماد وسیم نے یکے بعد دیگرے ریٹائرمنٹ واپس لینے کا اعلان کر دیا ہے۔
عماد وسیم نے ریٹائرمنٹ کا اعلان واپس لیتے ہوئے لکھا کہ پی سی بی حکام سے ملاقات کے بعد میں نے اپنی ریٹائرمنٹ پر نظر ثانی کی ہے اور آئی سی سی ٹی ٹوئنٹی ورلڈ کپ 2024 تک ٹی ٹوئنٹی فارمیٹ میں پاکستان کرکٹ کے لیے اپنی دستیابی کا اعلان کرتے ہوئے خوشی محسوس کر رہا ہوں۔ ان کا مزید کہنا تھا کہ پی سی بی نے مجھ پر اعتماد کیا، میں ان کا شکریہ ادا کرنا چاہتا ہوں اور ملک کا نام روشن کرنے کے لیے اپنی پوری کوشش کروں گا۔ سب سے پہلے پاکستان۔
I am happy to announce that pursuant to meeting PCB officials, I have reconsidered my retirement and am delighted to declare my availability for Pakistan cricket in T20i format leading up to ICC T20i World Cup 2024.
I would like to thank the PCB for reposing trust in me and I…
— Imad Wasim (@simadwasim) March 23, 2024
عماد وسیم کے بعد محمد عامر نے بھی سوشل میڈیا پر ایک بیان میں اعلان کیا کہ پاکستان کی جانب سے کھیلنا ان کا خواب ہے۔ انہوں نے اپنے پیغام میں کہا کہ زندگی ہمیں ایسے موڑ پر لے آتی ہے جہاں کبھی کبھار ہمیں اپنے فیصلوں پر نظر ثانی کرنا پڑتی ہے۔ محمد عامر کا کہنا تھا کہ پی سی بی سے مثبت گفتگو ہوئی ہے جہاں مجھے عزت دی گئی اور آگاہ کیا گیا کہ میں پاکستان کےلیے کرکٹ کھیل سکتا ہوں۔
I still dream to play for Pakistan!
life brings us to the points where at times we have to reconsider our decisions, There has been few positive discussions between myself and the PCB where they respectfully made me feel that I was needed and can still play for Pakistan after…
— Mohammad Amir (@iamamirofficial) March 24, 2024
عامر اور عماد کی واپسی پر صارفین کی جانب سے پی سی بی اور کھلاڑیوں پر تنقید کی جا رہی ہے۔ عمران صدیق لکھتے ہیں کہ ایک کھلاڑی اگر ریٹائرمنٹ لے لے تو اسے کبھی واپسی نہیں کرنی چاہیے اور نہ ہی پی سی بی کو کسی ریٹائر کھلاڑی کو واپس لانے کے لیے منت سماجت کرنی چاہیے۔
ایک کھلاڑی اگر ریٹائرمنٹ لے لے تو اسے کبھی واپسی نہیں کرنی چاہیے اور نہ ہی پی سی بی کو کسی ریٹائر کھلاڑی کو واپس لانے کے لیے منت سماجت کرنی چاہیے pic.twitter.com/gr0qAvBYdC
— ٰImran Siddique (@imransiddique89) March 23, 2024
عابد ملک نے لکھا کہ کیا عماد وسیم اور محمد عامر کے بعد پاکستان کرکٹ بورڈ شعیب اختر اور شاہد آفریدی سے بھی ریٹائرمنٹ واپس لینے کا کہے گا؟
کیا عماد وسیم اور محمد عامر کے بعد پاکستان کرکٹ بورڈ شعیب اختر اور شاہد آفریدی سے بھی ریٹائرمنٹ واپس لینے کا کہے گا؟؟؟ #PCB #ShahidAfridi #ImadWasim
— Abid Malik (@iamabidmalik) March 24, 2024
ایک صارف نے تنقید کرتے ہوئے لکھا کہ اگر عماد وسیم اور محمد عامر دوبارہ قومی ٹیم میں آ سکتے ہیں تو عمر اکمل کو بھی واپس لے آتے ہیں۔
اگر عماد وسیم اور محمد عامر واپس آ سکتے ہیں 🔥
تو عمر اکمل کو بھی واپس لے آتے ہیں😺 pic.twitter.com/nhjwbOP5JO
— Muhammad Abdullah Numan (@Honey_Jr_14) March 24, 2024
صحافی محمد فہیم کہتے ہیں کہ عماد وسیم کے بعد اب محمد عامر بھی پاکستان کے لیے ریٹائرمنٹ چھوڑ کر واپس آگئے اللہ خیر کرے۔ پلیئر پاور کے سامنے ہمارا جھکنا کوئی نئی بات نہیں۔
عماد وسیم کے بعد اب محمد عامر بھی پاکستان کیلئے ریٹائرمنٹ چھوڑ کر واپس آگئے
اللہ خیر کرے
پلیئر پاور کے سامنے ہمارا جھکنا کوئی نئی بات نہیں— Muhammad Faheem (@MeFaheem) March 24, 2024
ایک صارف نے چیف سلیکٹر وہاب ریاض پر تنقید کرتے ہوئے لکھا کہ جس طرح ریٹائرمنٹ واپس ہورہی ہے، لگتا ہے کہ وہاب ریاض نے بھی ریٹائرمنٹ واپس لے کر خود کو ہی سلیکٹ بھی کر لینا ہے۔ یاد رہے کہ وہاب ریاض نے 16 اگست 2023 کو بین الاقوامی کرکٹ سے ریٹائرمنٹ کا اعلان کیا تھا۔
جس طرح تھوک کے حساب سے ریٹائرمنٹ واپس ہورہی لگتا وہاب ریاض نے ریٹائرمنٹ واپس لیکر خود کو ہی سلیکٹ بھی کر لینا
— Arslan Jutt (@ArslanJutt43) March 24, 2024
واضح رہے کہ محمد عامر نے پی سی بی انتظامیہ کے مبینہ ناروا سلوک کو بنیاد بنا کر 2020 میں ریٹائرمنٹ کا اعلان کیا تھا جبکہ عماد وسیم نے گزشتہ برس نومبر میں انٹرنیشنل کرکٹ سے ریٹائرمنٹ کا اعلان کیا تھا۔
