خیبر پختونخوا میں نہ میٹرو ٹرین اور نہ ہی حکومت چلنے والی ہے، کیپٹن (ر) صفدر

پاکستان مسلم لیگ ن (پی ایم ایل این ) کے رہنما کیپٹن (ر) صفدر نے کہا ہے کہ خیبر پختونخوا میں میٹرو ٹرین نہ ہی حکومت چلنے والی ہے، زبانوں باتوں سے کچھ نہیں ہونے والا، علی اٰمین نے خواب میں ٹرین چلائی ہو گی۔

کیپٹن (ر) صفدر نے پشاور میں میڈیا نمائندوں سے گفتگو کرتے ہوئے کہا کہ یہاں میٹرو ٹرین اور نہ ہی یہ حکومت چلنے والی ہے۔ زبانی باتوں سے ٹرین نہیں چلتی علی اٰمین نے شاہد خواب میں ٹرین چلائی ہوگی۔

انہوں نے کہا کہ سینیٹ میں پاکستان تحریک انصاف ( پی ٹی آئی ) کے امیدوار اعظم سواتی کے کاغذات نامزدگی پر اعتراض اٹھایا گیا ہے، جنرل الیکشن میں بھی اعتراض پر انہیں نااہل کیا گیا تھا۔

خیبرپختونخوا حکومت شہباز شریف کی نقل کر رہی ہے

ایک سوال کے جواب میں کیپٹن صفدر نے کہا کہ خیبرپختونخوا حکومت شہباز شریف کی نقل کر رہی ہے، وہ پہلے 11 سو ارب روپے کا قرض تو ختم کریں۔

ایک اور سوال کے جواب میں کیپٹن (ر) صفدر نے کہا کہ سابق چیئرمین پی ٹی آئی عمران خان کو جیل میں دیسی مرغی، انڈے مل رہے ہیں اور کیا چاہیے۔ اڈیالہ جیل میں قید ایک قیدی کو عام قیدیوں کی طرح حقوق حاصل ہیں۔