امریکا نے کہا ہے کہ ایران کے ساتھ کاروبار کرنے والوں کو پابندیوں کا سامنا کرنا پڑ سکتا ہے۔
امریکی محکمہ خارجہ کے ترجمان میتھیو ملر پریس بریفنگ دے رہے تھے جب ان سے پاک ایران گیس پائپ لائن منصوبے سے متعلق سوال پوچھا گیا۔
ترجمان امریکی محکمہ خارجہ نے کہاکہ کسی ممکنہ کارروائی کے حوالے سے تبصرہ نہیں کروں گا، تاہم ہر ایک کو یہی مشورہ ہے کہ ایران کے ساتھ کاروبار کی صورت میں پابندیوں کا خطرہ ہو سکتا ہے۔
مزید پڑھیں
انہوں نے پریس بریفنگ کے دوران پاکستان میں چینی انجینیئرز پر ہونے والے حملے کی مذمت کی۔
ترجمان نے کہاکہ پاکستانی عوام دہشتگردوں کے ہاتھوں بہت نقصان اٹھا چکے ہیں۔
واضح رہے کہ حکومت پاکستان نے پاک ایران گیس پائپ لائن منصوبے کو مکمل کرنے کا فیصلہ کیا ہے اور اس ضمن میں 23 فروری کو نگراں کابینہ کی توانائی کمیٹی نے 81 کلو میٹر پائپ لائن بچھانے کی منظوری دی تھی۔
اگر پاکستان معاہدے کے مطابق پائپ لائن بچھانے کا کام مکمل نہیں کرتا تو بھاری جرمانہ ادا کرنا پڑے گا۔