بالی ووڈ کی وہ اداکارہ جو 36 بچوں کا سہارا بنی ہوئی ہیں

جمعرات 28 مارچ 2024
icon-facebook icon-twitter icon-whatsapp

معروف بالی ووڈ اداکارہ جنہوں نے 90 کی دہائی میں پردے پر سلمان خان، سنی دیول جیسے بڑے اسٹارز کے ساتھ رومانس کیا تھا، ان کی مسکراہٹ پر کروڑوں لوگ آج بھی دل ہار بیٹھتے ہیں، لیکن اداکارہ کا اپنا دل ان 34 بچوں کے لیے دھڑکتا ہے جن کی وہ شادی سے پہلے ہی ماں بن گئی تھیں۔

آئی پی ایل شروع ہوتے ہی ایک بالی ووڈ اداکارہ کا نام پھر سرخیوں میں ہے، وہ کئی سالوں سے اپنی آئی پی ایل ٹیم (پنجاب کنگز) کو سنبھال رہی ہیں۔ وہ آئی پی ایل کی گلیمر گرل ہیں لیکن ان کی چُلبُلی طبیعت اور خوش مزاج چہرے کے پیچھے ایک حساس ماں ہے، جو آئی پی ایل ٹیم کے ساتھ ساتھ اپنے 34 درجن بچوں کی بھی دیکھ بھال کر رہی ہیں، جو شادی سے پہلے ہی ان کی زندگی کا حصہ بن گئے تھے۔

بات ہو رہی ہے ڈمپل گرل پریتی زنٹا کی، جنہوں نے بزنس مین جین گوڈ اینف سے شادی کے بعد ماں بننے کے لیے سروگیسی کا راستہ اختیار کیا اور جڑواں بچوں کی ماں بنیں۔ تاہم شادی سے پہلے وہ 34 یتیم اور غریب بچوں کی ماں کی ذمہ داری نبھا رہی تھیں۔

فلموں کے ساتھ ساتھ پریتی زنٹا خواتین اور بچوں کی بہتری کے لیے بھی کام کرتی رہی ہیں۔ وہ نیک کام میں کئی اداروں کی شراکت دار ہیں۔ اگر رپورٹس پر یقین کیا جائے تو وہ ان 34 بچوں کی رہائش، خوراک اور تعلیم سمیت سبھی ضروریات کا خیال رکھتی ہیں جنہیں انہوں نے 2009 میں گود لیا تھا۔

پریتی زنٹا کو ہمیشہ ہنستے ہوئے دیکھا جاتا ہے، لیکن اپنی مسکراہٹ کے پیچھے وہ اس درد کو چھپا لیتی ہیں جس کا انہوں نے اپنی جوانی میں سامنا کیا تھا۔ دراصل جب وہ صرف 13 سال کی تھیں تو ان کے سر سے والد کا سایہ اٹھ گیا تھا، وہ اپنے والد کو کھونے کے غم سے ابھی تک سنبھل بھی نہیں پائی تھی کہ دو سال بعد ان کی ماں بھی چل بسی تھیں۔

پریتی زنٹا کو تب احساس ہوا کہ والدین کے بغیر زندگی کتنی مشکل ہو سکتی ہے،انہوں نے ان بچوں کا درد محسوس کیا جو یتیم تھے اور ان کے آگے پیچھے کوئی نہیں تھا۔

49 سالہ پریتی زنٹا نے خود کو ان بچوں کے قریب پایا، وہ 34 بچیوں کو گود لینے کے فیصلے کو درست سمجھتی ہیں۔

اداکارہ فلم ‘لاہور 1947’ سے بڑے پردے پر واپسی کریں گی، جس میں وہ سنی دیول کے ساتھ مرکزی کردار ادا کررہی ہیں، ان کی مشہور فلموں میں دل سے، سولجر، کیا کہنا، چوری چوری چپکے چپکے، کل ہو نہ ہو، کوئی مل گیا اور کبھی الوداع نہ کہنا شامل ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

محسن نقوی کا نواب شاہ کا اچانک دورہ، صدر آصف علی زرداری کو اہم پیغام پہنچایا

ایران سے کسی ڈیل کی ضرورت نہیں، جے ڈی وینس امن معاہدے کی کوشش کے بجائے ملک میں کرپشن پر توجہ دیں، ڈونلڈ ٹرمپ

پیٹرولیم مصنوعات کی قیمتوں میں کمی کا سلسلہ جاری، ڈیزل 4 روپے اور پیٹرول 3 روپے فی لیٹر سستا

خواجہ سعد رفیق نے عمران خان سے ملاقاتوں کو 28ویں آئینی ترمیم اور گورنر راج سے جوڑ دیا

مستونگ، فورسز نے بارود سے بھری گاڑی تباہ کر کے دہشتگردی کا بڑا منصوبہ ناکام بنا دیا، کارروائی میں 3 دہشتگرد ہلاک

ویڈیو

کوہاٹ میں سونے کی غیرقانونی کان کنی اور عسکریت پسندوں کا گٹھ جوڑ : حکومت کیا کرنے جارہی ہے؟

تربیلا ڈیم توسیعی منصوبے میں حادثہ، خیبرپختونخوا میں بجلی کا بحران شدت اختیار کرگیا

کیا بشریٰ بی بی کی اڈیالہ جیل سے رہائی کے امکانات بڑھ گئے ہیں؟

کالم / تجزیہ

فلسفہ وغیرہ !

جے یو آئی تحریک انصاف کے راستے پر؟

پانچ سوال، جو امریکا کے مستقبل کا فیصلہ کریں گے