خصوصی سرمایہ کاری سہولت کونسل کے گرین پاکستان انیشیٹیو کے تحت برازیل اور پاکستان کے مابین اعلیٰ نسل کے مویشیوں کی درآمدات کا معاہدہ طے پا گیا ہے، مذکورہ معاہدے کی تکمیل میں گرین پاکستان انیشیٹیو کے تحت قائم کی گئی کمپنی فان گرونے عملی کردار ادا کیا ہے۔
مزید پڑھیں
خصوصی سرمایہ کاری سہولت کونسل کے گرین پاکستان انیشیٹیو کے تحت کیے گئے اس معاہدے کے مطابق پاکستان برازیل سے 9 نسلوں کے مویشی درآمد کرے گا جن میں مقامی اور برازیلن نسل کے مویشی شامل ہیں۔
کونسل کے جاری ایک اعلامیہ کے مطابق برازیل سے درآمد شدہ مویشیوں کی پہلی کھیپ ایئر کارگو کے ذریعے 28 مارچ کو سیالکوٹ انٹرنیشنل ایئرپورٹ پر اترے گی، جہاں سے اسے پیرووال ماڈل فارم پنجاب لے جایا جائے گا۔
برازیلی سفیر اولینتھوویرا کے مطابق برازیل اور پاکستان کے درمیان دو طرفہ تجارت کی بہترین صلاحیت موجود ہے، جس کے ذریعہ سرمایہ کاری اور ٹیکنالوجی سے اس شعبے کی پیداواری صلاحیت بھی بڑھائی جاسکتی ہے،
برازیلی سفیر نے بتایا کہ ریڈ سندھی نسل کے مویشی 1950 ء میں پاکستان سے برازیل لے جائے گئے تھے جن کی نسل کو آج تک محفوظ رکھا گیا ہے۔
خصوصی سرمایہ کاری سہولت کونسل کے مطابق درآمدشدہ مویشیوں میں نیلوری، ریڈس سندھی، گزیرہ، براہمن، اینگس اور دیگر نسلو ں کے مویشی شامل ہیں۔
