بالی ووڈ کی مایہ ناز جوڑی عالیہ بھٹ اور رنبیر کپور نے 250 کروڑ روپے مالیت کا نیا بنگلہ اپنی بیٹی راہا کے نام کر دیا۔
بھارتی میڈیا رپورٹس کے مطابق رنبیر کپور اور عالیہ بھٹ کا نیا بنگلہ ممبئی کے علاقے باندرہ میں زیر تعمیر ہے، یہ ممبئی کا سب سے مہنگا ترین سیلیبریٹی بنگلہ ہے جس نے امیتابھ بچن کے بنگلے ’جلسہ‘ اور شاہ رخ خان کے بنگلے ’منت‘ کو بھی پیچھے چھوڑ دیا ہے۔
رنبیر کپور کی ایک ویڈیو بھی سوشل میڈیا پر وائرل ہو رہی ہے جس میں ان کو نئے بنگلے کی بالکنی میں کھڑے دیکھا جا سکتا ہے جس میں وہ ارد گرد کے ماحول کا جائزہ لے رہے ہیں۔
View this post on Instagram
ذرائع کا کہنا ہے کہ رنبیر کپور کی والدہ نیتو کپور بھی اپنی پوتی راہا کے بنگلے کی شریک مالک ہوں گی۔ بھارتی میڈیا رپورٹس کے مطابق 250 کروڑ روپے سے زائد مالیت کے بنگلے کی مالکن بننے کے بعد راہا کپور بالی ووڈ کی سب سے کم عُمر امیر ترین ’اسٹار کِڈ‘ بن گئی ہیں۔
خیال رہے کہ عالیہ اور رنبیر اپریل 2022 میں شادی کے بندھن میں بندھے تھے۔
