دھماکا ہرنائی کے علاقے وڈیخہ میں سڑک کنارے نصف آئی ای ڈی سے کیا گیا ہے۔ دھماکے میں 1 شخص جاں بحق اور 14 افراد زخمی ہو گئے ہیں۔ جاں بحق اور زخمی افراد کو اسپتال منتقل کر دیا گیا ہے۔
مزید پڑھیں
لیویز فورس کے مطابق دھماکے کے مقام سے شواہد اکٹھے کئے جا رہے ہیں۔ ادھر وزیراعلیٰ بلوچستان میر سرفراز بگٹی نے کہا ہے کہ ہرنائی دھماکا دہشت گردوں کا بزدلانہ وار ہے۔ بلوچستان کے عوام اور سیکیورٹی فورسز متحد ہوکر امن دشمنوں کے خلاف کھڑے ہیں۔
وزیراعلیٰ بلوچستان نے مزید کہا کہ دہشت اور وحشت پھیلانے والوں کے خلاف جنگ میں فتح امن کی ہوگی۔ معصوم اور بے گناہوں کا خون بہانے والوں کو کسی صورت معاف نہیں کریں گے۔ انہوں نے ہدایت کی کہ افسوسناک واقعہ میں زخمی ہونے والوں کو بہترین طبی سہولیات فراہم کی جائیں۔