پاکستان کے شمالی علاقے گلگت بلتستان میں خود کش بمباروں کے داخل ہونے کی اطلاع موصول ہوئی ہے جس پر انتظامیہ نے سیکیورٹی الرٹ جاری کردیا۔
انتظامیہ کی جانب سے جاری کیے گئے الرٹ میں کہا گیا ہے کہ خود کش بمبار مبینہ طور پر مذہبی اجتماعات کو نشانہ بنا سکتے ہیں۔
مزید پڑھیں
انتظامیہ کی جانب سے عوام کو ہدایت کی گئی ہے کہ اپنے اردگرد نظر رکھیں۔
حکومت کی جانب سے ممکنہ دہشتگردی کے خطرے کے پیش نظر گلگت بلتستان میں سیکیورٹی سخت کردی گئی ہے، جبکہ داخلی و خارجی راستوں کی ناکہ بندی کی گئی ہے۔
حکومت کو ملنے والی اطلاع کے مطابق گلگت بلتستان میں 4 سے 5 دہشت گرد داخل ہوئے ہیں۔ جو مذہبی اجتماعات کو نشانہ بنا سکتے ہیں۔
علاقے میں ممکنہ دہشتگردی کے پیش نظر گلگت بلتستان کے تمام اضلاع میں سیکیورٹی کے سخت انتظامات کیے گئے ہیں، بغیر شناختی کارڈ کسی کو شہر کے اندر یا باہر جانے کی اجازت نہیں دی جا رہی۔ جبکہ مذہبی عبادت گاہوں اور گلگت کے چوک چوراہوں پر بھی سیکیورٹی سخت کی گئی ہے۔
