جماعت اسلامی پاکستان کراچی کے امیر حافظ نعیم الرحمان کی سندھ اسمبلی کے حلقہ پی ایس 129 سے کامیابی کا نوٹیفکیشن جاری کردیا گیا۔
الیکشن کمیشن کی جانب سے جاری نوٹیفکیشن کے مطابق سندھ اسمبلی کے حلقہ پی ایس 129 سے حافظ نعیم الرحمان نے 26 ہزار 296 ووٹ حاصل کیے۔
مزید پڑھیں
میڈیا رپورٹس کے مطابق حافظ نعیم الرحمان نے فارم سی الیکشن کمیشن میں جمع کرایا ہے جس کے بعد ان کی کامیابی کا نوٹیفکیشن جاری کیا گیا۔
واضح رہے کہ حافظ نعیم الرحمان عام انتخابات کے بعد اپنی اس سیٹ سے دستبردار ہوگئے تے اور کہا تھا کہ یہاں پر پی ٹی آئی کے امیدوار کو مینڈیٹ ملا ہے، لہٰذا اس کی کامیابی کا نوٹیفکیشن جاری کیا جائے۔
دوسری جانب پیپلزپارٹی کے سینیئر رہنما ناصر حسین شاہ نے کہا ہے کہ حافظ نعیم الرحمان کا سندھ اسمبلی میں آنا بہت اچھی بات ہوگی۔
یہ بھی یاد رہے کہ 8 فروری کو ملک میں ہونے والے عام انتخابات کو جہاں پی ٹی آئی اور جے یو آئی نے دھاندلی زدہ قرار دیا ہے وہیں جماعت اسلامی پاکستان بھی الیکشن کو مشکوک قرار دے رہی ہے۔
