نیشنل الیکٹرک پاور ریگولیٹری اتھارٹی (نیپرا) نے بجلی کی قیمتوں میں اضافہ کردیا جس کا نوٹیفکیشن جاری کردیا گیا ہے۔
نیپرا کی جانب سے جاری نوٹیفکیشن کے مطابق بجلی کی قیمت میں 2 روپے 75 پیسے فی یونٹ اضافہ کیا گیا ہے۔
مزید پڑھیں
نپیرا کے نوٹیفکیشن میں کہا گیا ہے کہ رواں مالی سال کی دوسری سہ ماہی ایڈجسٹمنٹ کی مد میں بجلی کی قیمت میں اضافہ کیا گیا ہے۔
نیپرا کے مطابق اپریل، مئی اور جون کے مہینوں میں صارفین سے اضافی وصولیاں کی جائیں گی۔
نیپرا نے کہا ہے کہ کے الیکٹرک صارفین پر بجلی کی قیمت میں اضافے کا اطلاق نہیں ہوگا۔
واضح رہے کہ بجلی کی قیمت میں 2 روپے 75 پیسے فی یونٹ اضافے سے صارفین پر 85 ارب 20 کروڑ روپے کا اضافی بوجھ پڑےگا۔
