سیاسی عدم استحکام ختم کرنے کے لیے سیاسی طریقہ اختیار کیا جانا چاہیے، رانا ثنااللہ

پاکستان مسلم لیگ ن کے سینیئر رہنما و سابق وفاقی وزیر داخلہ رانا ثنااللہ نے کہا ہے کہ ملک اس وقت شدید سیاسی اور معاشی عدم استحکام کا شکار ہے۔

نجی ٹی وی سے گفتگو کرتے ہوئے انہوں نے کہاکہ سیاسی بحران ختم کرنے کے لیے سیاسی طریقہ ہی اختیار کیا جانا چاہیے، اور کوئی طریقہ نہیں ہوسکتا۔

مزید پڑھیں

• ہم آج بھی اینٹی اسٹیبلشمنٹ، عمران خان اور دوسری پارٹیوں کی سیاست ایک ساتھ نہیں چل سکتی، رانا ثنااللہ

  

• اسٹیبلشمنٹ کا رول ختم ہوا نہ ہوگا، نقوی، واوڈا اور کاکڑ ایک ہی قبیلے سے ہیں، رانا ثنا اللہ

  

• ہم سب مل بیٹھ کر ملک کو بحرانوں سے نکال سکتے ہیں مگر عمران خان تیار نہیں، رانا ثنااللہ

  

• نواز شریف سیاسی بحران ختم کر سکتے ہیں تاہم عمران خان بڑی رکاوٹ ہیں، رانا ثنااللہ

  

• سیاسی عدم استحکام یا معاشی تباہی کا راستہ

  

انہوں نے کہاکہ 2018 میں ایک سازش کے تحت پہلے سیاسی اور پھر معاشی بحران پیدا کیا گیا جس کی وجہ سے آج ہمیں مشکلات کا سامنا ہے۔

رانا ثنااللہ نے کہاکہ عمران خان پر بننے والے تمام کیسز درست ہیں، مگر جس طریقے سے ان کو سزائیں دی گئی اس کا انہیں سیاسی فائدہ ہوا۔

سابق وزیر داخلہ نے کہاکہ عمران خان نے توشہ خانہ میں ہیرا پھیری کی جو ریکارڈ پر ہے، انہوں نے گھڑی پہلے چرائی اور رقم بعد میں جمع کرائی۔

انہوں نے کہاکہ ملک میں اس وقت اتحادی حکومت ہے، یہ جتنی مسلم لیگ ن کی ہے اتنی ہی پیپلزپارٹی اور دیگر اتحادیوں کی بھی ہے۔

رانا ثنااللہ نے کہاکہ اتحادی حکومت میں سب کو ساتھ لے کر چلنا پڑتا ہے اور فیصلوں پر مشاورت کرنا پڑتی ہے۔

ایک سوال کے جواب میں مسلم لیگی رہنما نے کہاکہ حکومت میں پارٹی نے کوئی ذمہ داری دی تو تسلیم کروں گا۔ عید کے بعد اس حوالے سے پارٹی میٹنگ ہوگی۔