وزیرِ خارجہ اسحاق ڈار نے کہا ہے کہ غزہ کے عوام کے ساتھ اظہارِ یکجہتی کے لیے پاکستان نے آٹھویں امدادی کھیپ بھیج دی ہے۔ امدادی کھیپ پاکستانی عوام اور حکومت کی جانب سے غزہ کے لوگوں کے لیے بھیجی جا رہی ہے۔
وزارتِ خارجہ کے مطابق وزیرِ خارجہ کی جانب سے کراچی بندرگاہ پر تقریب کا انعقاد کیا گیا، جس میں فلسطینی سفیر احمد رباعی نے امدادی کھیپ وصول کی۔ تقریب میں ایڈیشنل سیکریٹری خارجہ، سفیر احمد امجد علی، نیشنل ڈیزاسٹر مینجمنٹ اتھارٹی (این ڈی ایم اے) کے نمائندے اور مختلف امدادی تنظیموں نے شرکت کی۔
مزید پڑھیں
وزیرِ خارجہ اسحاق ڈار نے سوشل میڈیا ویب سائیٹ ایکس پر اپنی پوسٹ میں لکھا کہ پاکستان غزہ کے لیے انسانی امداد کی آٹھویں کھیپ روانہ کر رہا ہے جس میں موسم سرما کے خیمے، ترپال، کمبل، ادویات اور خوراک شامل ہے۔
Pakistan dispatches its 8th tranche of humanitarian assistance for Gaza of 400 tons consisting of winterized tents, tarpaulins, blankets, medicines and food supplies through sea. The shipment will be received by the Pakistani Ambassador at Port Said, Egypt and handed over to the… pic.twitter.com/PJDdaWqiCl
— Ishaq Dar (@MIshaqDar50) April 21, 2024
انہوں نے لکھا کہ بذریعہ سمندر بھیجے جانے والی امدادی کھیپ مصر کی پورٹ سعید میں پاکستانی سفیر وصول کریں گے اور غزہ کے عوام تک پہنچانے کے لیے مصری ہلال احمر کے حوالے کریں گے۔ پاکستان غزہ میں اپنے بھائیوں اور بہنوں کی فوری انسانی ضروریات کو پورا کرنے کے لیے پُر عزم ہے۔
