قومی کرکٹ ٹیم کے وکٹ کیپر بیٹر محمد رضوان اور عرفان خان انجری کی بنیاد پر نیوزی لینڈ کے خلاف ٹی ٹوئنٹی سیریز کے بقیہ میچز سے باہر ہوگئے۔
پاکستان کرکٹ بورڈ (پی سی بی) نے بتایا ہے کہ پاکستانی ٹیم مینجمنٹ کی جانب سے فیصلہ کیا گیا ہے کہ دونوں کھلاڑیوں کو آرام دیا جائے۔
Update on Mohammad Rizwan and Mohammad Irfan Khan
Details here ⤵️https://t.co/ISO84j1Wcv
— PCB Media (@TheRealPCBMedia) April 24, 2024
پی سی بی کے مطابق میڈیکل رپورٹس کی بنیاد پر دونوں کھلاڑیوں کو آرام دینے کا فیصلہ کیا گیا ہے۔
پاکستان کرکٹ بورڈ نے بتایا کہ جمعرات اور ہفتے کو ہونے والے میچ میں دونوں کھلاڑی موجود نہیں ہوں گے۔
پی سی بی کا کہنا ہے کہ دونوں کھلاڑی نیشنل کرکٹ اکیڈمی میں میڈیکل پینل کی نگرانی میں ری ہیب پر کام کریں گے۔
واضح رہے کہ نیوزی لینڈ کے خلاف 5 ٹی ٹوئنٹی میچز کی سیریز میں دونوں ٹیموں نے ایک ایک میچ میں کامیابی حاصل کی ہے جبکہ ایک میچ بارش کی نذر ہوگیا تھا۔
