نیوزی لینڈ نے پاکستان کو چوتھے ٹی ٹوئنٹی میچ میں سنسنی خیز مقابلے کے بعد چار رنز سے شکست دے کر سیریز میں 1-2 کی برتری حاصل کر لی ہے۔ قذافی اسٹیڈیم میں کھیلے گئے میچ میں نیوزی لینڈ کے 179 رنز کے ہدف کے تعاقب میں پاکستان ٹیم 174 رنز بناسکی۔
قومی ٹیم کے کپتان بابراعظم نے نیوزی لینڈ سے مسلسل دوسرے میچ میں شکست کا ذمہ دار بیٹرز کو قرار دیا۔ انہوں نے کہا کہ بیٹنگ میں ناکامی سے میچ نہ جیت سکے ہم بیٹنگ میں اچھا پرفارم نہیں کر سکے۔
پاکستانی ٹیم کے میچ ہارنے کے بعد کرکٹ شائقین نے سوشل میڈیا پر اپنے تنقیدی تبصروں کا آغاز کر دیا۔ صحافی رضوان غلزئی نے پاکستان کی ہار پر تبصرہ کرتے ہوئے کہا کہ کرکٹ میں ایسی کیا نحوست آگئی ہے کہ دنیا کی بہترین ٹی 20 ٹیم اپنے ہی ملک میں نیوزی لینڈ کی سی ٹیم سے میچز ہار رہی ہے؟
کرکٹ میں ایسی کیا نحوست آگئی ہے کہ دنیا کی بہترین ٹی ٹوئنٹی ٹیم اپنے ہی ملک میں نیوزی لینڈ کی سی ٹیم سے میچز ہار رہی ہے؟
— Rizwan Ghilzai (Student of Arshad Sharif) (@RizwanGhilzai) April 25, 2024
ایک صارف کا کہنا تھا کہ کاکول ٹریننگ کی برکت سے فل سٹرنتھ ٹیم نیوزی لینڈ کی سی ٹیم سے دوسرا میچ بھی ہار بیٹھی۔ صارف نے طنزاً کہا کہ اب یہ کھلاڑی بھی بس فارم47پر جیتا کریں گے ۔
کاکول ٹریننگ کی برکت سے فل سٹرنتھ ٹیم نیوزی لینڈ کی سی ٹیم سے دوسرا میچ بھی ہار بیٹھی۔اب یہ کھلاڑی بھی بس فارم47پر جیتا کریں گے ۔ pic.twitter.com/qeaY4ohxAS
— Ahmad Farhad (@AhmadFarhadReal) April 26, 2024
صحافی عمران ریاض خان لکھتے ہیں کہ پاکستانی کرکٹ ٹیم کو کیا ہوگیا ہے؟ کمزور نیوزی لینڈ ٹیم سے ہوم گراؤنڈ پر شکست پہ شکست ورلڈ کپ سے پہلے اچھا شگون نہیں ہے۔ کاکول میں اتنی سخت تربیت کے بعد ایسی ناقص پرفارمنس افسوسناک ہے۔
ٹیم کو ہو کیا گیا ہے؟ کمزور نیوزی لینڈ ٹیم سے ہوم گراؤنڈ پر شکست پہ شکست ورلڈ کپ سے پہلے اچھا شگون نہیں ہے۔ اتنی سخت تربیت کے بعد ایسی ناقص پرفارمنس افسوسناک ہے۔
— Imran Khan (@ImranRiazKhan) April 26, 2024
ایک صارف نے لکھا کہ یہ کاکول ٹریننگ کے اثرات ہیں ورنہ یہی پاکستانی کرکٹ ٹیم تھی جس نے چند مہینے پہلے نیوزی لینڈ کی اے ٹیم کو اپنے ہوم گراؤنڈ پر 4/1 سے شکست دی تھی۔
کاکول ٹریننگ کے ثمرات
حالانکہ یہی ٹیم تھی جس نے چند مہینے پہلے نیوزی لینڈ کی اے ٹیم کو اپنے ہوم گراؤنڈ پر 4/1 سے شکست دی تھی۔pic.twitter.com/H9ufuxcgSL https://t.co/QKSsa4Gtow— Faisal afridi (@Faisalafridik) April 26, 2024
کامران واحد نے لکھا کہ پاکستانی کرکٹ ٹیم نے نیوزی لینڈ کی بی ٹیم سے شکست کھائی ہے۔ کرکٹ ٹیم کو چاہیے تھا چند دن ٹرینگ کی لاج ہی رکھ لیتی۔
نیوزی لینڈ کی بی ٹیم سے شکست، کرکٹ ٹیم کو چاہیے تھا چند دن ٹرینگ کی لاج ہی رکھ لیتی۔۔۔
— Kamran Wahid (@Khankamoo) April 25, 2024
خالد حسین تاج نے سوال کیا کہ نیوزی لینڈ کی سی ٹیم کے ہاتھوں ذلت آمیز شکست کے بعد کیا محسن نقوی کو چیئرمین پی سی بی کے عہدے سے ہٹانا چاہیے؟
کیا نیوزی لینڈ کے C ٹیم کے ہاتھوں اس ذلت آمیز شکست کے بعد محسن نقوی کو چیرمین PCB کے عہدے سے ہٹانا چاہئے ؟#PAKvsNZ
— Khalid Hussain Taj (@KhalidHusainTaj) April 25, 2024
واضح رہے کہ پاکستان کے خلاف نیوزی لینڈ نے سیریز میں 2-1 کی برتری حاصل کرلی ہے جبکہ پہلا میچ بارش کی نذر ہوگیا تھا۔
