پاکستان سول ایوی ایشن اتھارٹی نے برطانیہ کے محکمہ ٹرانسپورٹ کے تعاون سے ایک اور اہم سنگ میل عبور کرلیا، اسلام آباد انٹرنیشنل ایئرپورٹ پر تھریٹ امیج ریکگنیشن کے لیے کمپیوٹر بیسڈ ٹریننگ کروائی گئی، پاکستان کسٹمز، ایئرپورٹ سیکیورٹی فورس، پاکستان انٹرنیشنل ایئر لائنز اور کارساز کے نمائندوں نے بھی تربیتی پروگرام میں شرکت کی۔
اسلام آباد انٹرنیشنل ایئرپورٹ پر تھریٹ امیج ریکگنیشن کے لیے کمپیوٹر بیسڈ ٹریننگ مکمل کرنے والوں کو سرٹیفکیٹ دینے کی تقریب کا انعقاد کیا گیا، پاکستان میں برطانوی ہائی کمیشن کے سیکیورٹی اینڈ جسٹس کے سربراہ ڈاکٹر جو وائٹل نے بطور اعزازی مہمان خصوصی شرکت کی۔
تقریب میں پاکستان کسٹمز کے (ڈی ڈی جی) (این این ڈی اے) اور سی او او/ایئرپورٹ منیجر اسلام آباد انٹرنیشنل ایئرپورٹ نے بھی شرکت کی۔ بنیادی طور پر ایکس رے اسکریننگ کمپیوٹربیسڈ ٹریننگ (سی بی ٹی) آڈیٹر کورس میں ایوی ایشن سیکیورٹی ریگولیٹری افسران اور انسپکٹرز نے شرکت کی۔
پاکستان کسٹمز، ایئرپورٹ سیکیورٹی فورس، پاکستان انٹرنیشنل ایئر لائنز اور کارساز کے نمائندوں نے بھی تربیتی پروگرام میں شرکت کی۔ (یو کے، ڈی ایف ٹی) نے ایکس رے اسکریننگ سرٹیفیکیشن آڈیٹرز کے لیے ضروری آلات اور تربیت فراہم کی۔
جدید ترین ہارڈویئر اور سافٹ ویئر سپورٹ سے شرکاء کی اسکریننگ کی صلاحیتوں اور ہوابازی میں سیفٹی کا معیار بلند ہوگا۔ پاکستان اور برطانیہ کے درمیان یہ مشترکہ کوشش دونوں ممالک کے درمیان پائیدار شراکت داری اور باہمی احترام کا منہ بولتا ثبوت ہے۔
ایئر کموڈور (ر) شاہد قادر، ڈائریکٹر ایوی ایشن سیکیورٹی (پی سی اے اے) نے اس تربیتی پروگرام کے کامیاب انعقاد پر برطانیہ کے محکمہ ٹرانسپورٹ کا تہہ دل سے شکریہ ادا کیا۔
