کاروبار میں اونچ نیچ کا تو سن رکھا تھا مگر گلگت سے تعلق رکھنے والا کروڑ پتی شخص کے ساتھ جو ہوا وہ بڑے بڑوں کی آنکھیں کھولنے کے لیے کافی ہے، کیونکہ دولت ہمیشہ رہنے والی چیز نہیں۔
عارف میر کا تعلق گلگت سے ہے اور وہ چائنا کاروبار سے منسلک تھے۔
وی نیوز سے گفتگو کرتے ہوئے عارف میر نے بتایا کہ جب چائنا کاروبار سے منسلک تھا تو سب کچھ ٹھیک چل رہا تھا، لاکھوں اور کروڑوں میں کاروبار چلتا تھا مگر یہ معلوم نہیں تھا کہ ایک دن مجھے ریڑھی لگانا پڑے گی۔
انہوں نے کہاکہ کورونا وائرس کی وجہ سے جب چائنا بارڈر بند ہوا تو حالات خراب ہونا شروع ہوگئے۔ ’کاروبار ختم ہونے کے بعد ریڑھی چلانا شروع کی، گرمیوں میں آئس کریم بیچتا تھا اور اب پلاؤ بنا کر فروخت کررہا ہوں‘۔
انہوں نے بتایا کہ میں محنت کرکے رزق حلال کما رہا ہوں، جس میں کسی قسم کی کوئی عار محسوس نہیں کررہا۔
