پاکستان کرکٹ بورڈ (پی سی بی ) نے پاکستان سپر لیگ (پی ایس ایل ) 8 کی ٹیم کااعلان کردیا ہے جس میں لاہور قلندرز کے کپتان شاہین آفریدی کو ٹیم کا کپتان بنادیاگیاہے۔
پی سی بی کے مطابق ایچ بی ایل پی ایس ایل 8 کے لیے 12 رکنی ٹیم فائنل کی گئی ہے اور اس اسکواڈ میں ملتان سلطانز کے 5 ،پشاور زلمی کے 3،لاہور قلندرز کے 2 جبکہ اسلام آباد یونائیٹڈ اور کراچی کنگز کا ایک ایک کھلاڑی جگہ بنانے میں کامیاب ہواہے۔
ملتان سلطانز کے کپتان محمدرضوان ٹیم میں جگہ بنانے میں کامیاب ہوئے ہیں اور اس کے علاوہ ان کےساتھ ریلی روسو، کیرن پولارڈ،عباس آفریدی اور احسان اللہ بھی شامل ہیں جبکہ لاہور قلندرز کے شاہین آفریدی،راشد خان ،پشاور زلمی کے بابر اعظم ،صائم ایوب اور محمدحارث ٹیم کا حصہ ہوں گے۔
اس کے علاوہ اسلام آبادیونائیٹڈ کے اعظم خان اور کراچی کنگز کے عماد وسیم کو بھی ٹیم کاحصہ بنایاگیا ہے جبکہ کوئٹہ گلیڈی ایٹرز کا کوئی بھی کھلاڑی ٹیم میں جگہ بنانے میں کامیاب نہیں ہوسکا۔
ایچ بی ایل پی ایس ایل ٹیم کاانتخاب خود مختار پینل نے کیا ہے جس میں ہارون رشید،بازید خان،ڈیرن گنگا،نک نائٹ اور ثنا میر شامل تھے۔
