بظاہر عام نظر آنے والا یہ بال پین اپنی خصوصیات سے آپ کو دنگ کردے گا۔
لاس ویگاس میں کنزیومر الیکٹرونکس شو (سی ای ایس) کے موقع پر نووا نامی کمپنی نے اس اسمارٹ بال پین کو متعارف کرایا۔
بظاہر اس عام بال پین میں موشن سنسرز اور 3 کیمرے نصب ہیں جو آپ کی تحریر کو ڈیجیٹل ورژن میں محفوظ کرتے ہیں۔
یعنی آپ اپنی تحریر اور خاکوں کو رئیل ٹائم میں ڈیجیٹل دنیا پر کمپنی کی ایپ کے ذریعے شیئر کرسکتے ہیں۔
کمپنی کے مطابق تمام ڈیٹا اینڈ ٹو اینڈ انکرپٹڈ ہوگا۔
اس بال پین کی موٹائی بھی زیادہ نہیں، جبکہ کیمرے اور سنسرز نب کے پاس نصب ہیں۔
اس میں ایک انفراریڈ لائٹ سنسر بھی موجود ہے جس سے کم روشنی میں بھی اس بال پین کو استعمال کرنا ممکن ہے۔
یہ اسمارٹ میٹریس اچھی نیند یقینی بنانے کے ساتھ اے سی کی ضرورت ختم کردے گا
کمپنی کے مطابق یہ بال پین 4096 پریشر لیول کو ڈیٹیکٹ کرسکتا ہے۔
اس بال پین کے لیے ڈی 1 انک cartridge کو استعمال کیا گیا ہے جسے آسانی سے بدلا جاسکتا ہے۔
سنگل چارج پر یہ بال پین 2 گھنٹے تک استعمال کیا جاسکتا ہے اور پھر اسے چارجنگ اسٹینڈ پر رکھنا ہوتا ہے۔
یہ پین اسی وقت کام کرتا ہے جب وہ کاغذ کو چھوتا ہے جس کا مقصد بیٹری لائف کو تحفظ فراہم کرنا ہے۔
بال پین تحریر کو بلیو ٹوتھ کے ذریعے فون سے شیئر کرتا ہے۔
اس بال پین کو اگست 2023 میں 279 ڈالرز میں فروخت کے لیے پیش کیا جائے گا۔
