انڈین پریمئیر لیگ (آئی پی ایل) میں چنائی سپر کنگز کی نمائندگی کرنے والے سابق بھارتی کپتان مہندرا سنگھ دھونی کی اہلیہ ساکشی جو گزشتہ روز چنئی سپر کنگز اور سن رائزرز حیدرآباد کے درمیان آئی پی ایل 2024 کے میچ دیکھنے کے لیے اسٹیڈیم میں موجود تھیں انہوں نے آئی پی ایل میچ کے دوران چنئی سپر کنگز سے مخلصانہ درخواست کرتے ہوئے فوٹو اینڈ ویڈیو شیئرنگ ایپ انسٹاگرام پر ایک اسٹوری پوسٹ کی، جس میں ان کا کہنا تھا کہ وہ جلدی سے میچ ختم کریں کیونکہ بچے کی آمد قریب ہے۔
یہ انسٹاگرام اسٹوری سوشل میڈیا پر وائرل ہوگئی جس پر صارفین کی جانب سے مختلف تبصرے کیے گئے، کسی کا کہنا تھا کہ ساکشی کی انسٹاگرام اسٹوری سے چنئی سپر کنگز نے جلدی میچ جیت لیا تو کوئی یہ تنقید کرتا نظر آیا کہ یہ اسٹوری ڈالنے کی کیا ضرورت تھی، ساکشی نے ایسا صرف لوگوں کی توجہ حاصل کرنے کے لیے کیا ہے۔
واضح رہے کہ چنئی سپر کنگز نے سن رائزرز حیدرآباد کو 78 رنز سے شکست دے دی۔ چنئی سپر کنگز نے سن رائزرز حیدرآباد کو 213 رنز کا ہدف دیا تھا۔ سن رائزرز حیدرآباد 18.5 اوور میں صرف 134 رنز تک محدود رہی۔
