یوم القدس کے موقع پر G-6/2 امام بارگاہ کے اطراف ٹریفک ڈائیورشن پلان نافذ کر دیا گیا ہے۔ شہریوں سے درخواست ہے کہ غیر ضروری سفر سے گریز کریں اور متبادل راستوں کا استعمال کریں۔
ترجمان اسلام آباد پولیس کے مطابق ریلی صبح 09:00 بجے امام بارگاہ G-6/2 سے برآمد ہوگی۔ اس کے پیش نظر مختلف مقامات پر ڈائیورشنز کیے گئے ہیں:
۔کلثوم پلازہ فضل حق روڈ: ٹریفک کے لیے ڈائیورشن نافذ، شہری جناح ایونیو استعمال کریں۔ F-6 اور F-7 کے رہائشی پولی کلینک روڈ کا رخ کریں۔
۔ لقمان حکیم روڈ گلی نمبر 14: آنے والی ٹریفک کے لیے ڈائیورشن، شہری G-6 میونسپل روڈ اور صدر روڈ استعمال کریں۔
۔ سی ڈی اے ہسپتال امام بارگاہ G-6/2 کے مقام پر: ڈائیورشن، شہری G-6 صدر روڈ اور 7th ایونیو کا رخ کریں۔
۔ پولی کلینک کوارٹرز چوک لقمان حکیم روڈ: شہری G-6 میونسپل روڈ، صدر روڈ اور 7th ایونیو استعمال کریں۔
یہ بھی پڑھیں:اسلام آباد میں تعلیمی اداروں میں عام تعطیل کا اعلان، نوٹیفیکیشن جاری
۔ چائنہ چوک فضل حق روڈ: ٹریفک کی ڈائیورشن، شہری F-6 سروس روڈ اور شہید ملت روڈ کا استعمال کریں۔
۔ فضل حق روڈ سے آنے والی ٹریفک کے لیے متبادل راستہ شہید ملت روڈ مقرر کیا گیا ہے۔
ترجمان پولیس نے کہا کہ پولی کلینک کی نئی اور پرانی ایمرجنسی کے سامنے کسی بھی قسم کی گاڑی یا موٹر سائیکل پارک کرنے کی اجازت نہیں ہوگی۔
شہری اسلام آباد میں ٹریفک کی تازہ صورتحال جاننے کے لیے اسلام آباد ٹریفک پولیس FM 92.4 سے اپڈیٹس حاصل کر سکتے ہیں۔
یہ اقدامات شہریوں کی سہولت اور ریلی کی روانی کو یقینی بنانے کے لیے کیے گئے ہیں، اور پولیس نے عوام سے تعاون کی اپیل کی ہے۔
