رہنما تحریک انصاف فواد چوہدری نے کہا ہے کہ پی ٹی آئی کا آرمی چیف کے خلاف کسی بہتان طرازی پر مبنی مہم سے کوئی تعلق نہیں ہے۔ شہباز شریف کی کوشش ہے کہ پی ٹی آئی اور فوج کے درمیان خلیج کو وسعت دی جائے۔
تحریک اںصاف کے رہنما فواد چوہدری نے اپنی ایک ٹوئیٹ میں لکھا کہ کرائم منسٹر ایک بار پھر بوٹ پالش مہم کی ذمہ داری سنبھالنے کی کوشش کر رہے ہیں۔ ان کی صرف یہی خواہش ہے کہ اس بیانیہ کو عوام اور فوج کے درمیان خلیج کو مزید وسعت دینے کے لیے استعمال کیا جائے تاکہ پی ڈی ایم حکومت لوٹ مار جاری رکھ سکے۔
Crime Minister yet again trying to take charge of boot polish camapaign, his only desire is to use this narrative to further enlarge the gulf between People and the Army, so PDM can continue with the loot and plunder. https://t.co/dppyyFRGZl
— Ch Fawad Hussain (@fawadchaudhry) March 20, 2023
فواد چوہدری نے واضح کیا کہ پی ٹی آئی کا آرمی چیف کے خلاف کسی بہتان طرازی کی مہم سے کوئی تعلق نہیں ہے بلکہ انہیں توقع ہے کہ آرمی چیف شفاف انتخابات کے انعقاد میں الیکشن کمیشن کی مدد کرکے پاکستان کی سیاست کو معمول پر لانے میں اپنا کردار ادا کریں گے۔
Let me make it clear PTI has nothing to do with any slanderous campaign against Army Chief, rather we expect his good office to play role in normalising Pak politics by helping ECP to hold peaceful and transparent elections”.
— Ch Fawad Hussain (@fawadchaudhry) March 20, 2023
اس سے قبل وزیر اعظم شہباز شریف نے اپنے ایک ٹوئیٹ میں کہا تھا کہ عمران خان نیازی کے کہنے پر چیف آف آرمی چیف جنرل عاصم منیر کے خلاف پی ٹی آئی کی مکروہ مہم انتہائی قابل مذمت ہے۔
وزیر اعظم نے مزید لکھا کہ یہ شخص نیازی اقتدار کے لیے انتہائی پستی کی حد تک گِر گیا ہے اور ملک کو نقصان پہنچانے، مسلح افواج اور ان کی قیادت کو کمزور کرنے کی کوشش کر رہا ہے۔
This man Niazi is stooping to unprecedented lows in his desperation for power & going to the extent of damaging the country & undermining our armed forces & their leadership. /2 https://t.co/Tt1SfhylXv
— Shehbaz Sharif (@CMShehbaz) March 20, 2023
