پاکستان کا پہلا سیٹلائٹ مشن ’آئی کیوب کیو‘ چین کے ہینان اسپیس لانچ سائٹ سے چاند پر روانہ ہوگیا۔ جسے پاکستانی وقت کے مطابق 2 بج کر 27 منٹ پر خلا میں بھیجا گیا۔ اس موقع پر پاکستان کے ماہرین کی ٹیم اسپیس سینٹر میں موجود تھی۔ سیٹلائٹ مشن کی روانگی کے وقت لانچ سائیڈ پر پاکستان کا قومی ترانہ پڑھا گیا اور نعرہ تکبیر سے ہال گونج اٹھا۔
پاکستان کے پہلے سیٹلائٹ مشن آئی کیوب کیو چاند کی طرف روانہ کرنے پر صارفین کی جانب سے دلچسپ تبصرے بھی کیے جا رہے ہیں صحافی خرم اقبال نے کہا کہ چین کے ساتھ پاکستان بھی چاند کی سیر کےلئے روانہ ہو گیا ہے۔
چین کے ساتھ پاکستان بھی چاند کی سیر کےلئے روانہ۔۔!! pic.twitter.com/la5OMhyHTa
— Khurram Iqbal (@khurram143) May 3, 2024
ایک صارف نے طنزاً لکھا کہ پاکستانی سٹیلائیٹ مشن آئی کیوب قمر چائنا سے لفٹ لے کر چاند کی جانب روانہ ہو گیا ہے۔
پاکستانی سٹیلائیٹ مشن ’آئی کیوب قمر‘ چائنا سے لفٹ لیکر چاند کی جانب روانہ#Lunarmission @SuparcoOfficial pic.twitter.com/nrEqIDrDYb
— Media Talk (@mediatalk922) May 3, 2024
صحافی مطیع اللہ جان کہتے ہیں کہ آئی کیوب قمر کی کامیاب لانچ کے بعد پورے پاکستان میں چھوٹی عید ایک ہی دن منائی جا سکے گی، اور مسلمان پوری دنیا میں ایک ساتھ چاند دیکھ سکیں گے۔
آئی کیوب قمر کی کامیاب لانچ کے بعد پورے پاکستان میں چھوٹی عید ایک ہی دن منائی جا سکے گی، اور مسلمان پوری دنیا میں ایک ساتھ چاند دیکھ سکیں گے۔
— Matiullah Jan (@Matiullahjan919) May 3, 2024
ایک ایکس صارف نے لکھا کہ پاکستان کا چاند پر جانا ایسے ہی ہے جیسے کوئی مسافر کراچی جا رہا ہو اور ایک غریب آدمی اس مسافر کے ہاتھ اپنی بیٹی کے لیے دو کلو مکئی کا آٹا بھجوا دے۔ ساتھ ہی انہوں نے لکھا کہ اصل راکٹ چین کا نکلا ہمارا صرف ایک ڈبہ ساتھ لے کر جائے گا۔
پاکستان کا چاند پر جانا ایسے ہی ہے جیسے کوئی کراچی جا رہا ہو کوئی غریب آدمی اں کے ہاتھ اپنی بیٹی کیلئے دو کلو مکئی کا آٹا بھجوا دے ۔
اصل راکٹ چین کا نکلا ہمارا صرف ایک ڈبہ ساتھ لے کر جاۓ گا #PTI_Folllowers pic.twitter.com/X8HCMERnYF— Kami Khan (@pti_198) May 2, 2024
احمد حسن لکھتے ہیں پاکستان کا پہلا سیٹلائٹ چاند پر روانہ ہو گیا ہے لیکن جو تصاویر سامنے آئیں ان میں نہ کوئی پاکستانی دیکھا نہ ہی پاکستانی جھنڈا، ان کا مزید کہنا تھا کہ نہ ہی یہ پاکستان کی سر زمین سے لانچ ہوا۔
پاکستان کا پہلا سیٹلائٹ چاند پر روانہ ہوا
لیکن جو تصاویر سامنے آئیں ان میں نہ کوئی پاکستانی دیکھا نہ ہی پاکستانی جھنڈا دیکھا اور نہ ہی پاکستان کی سر زمین سے لانچ ہوا۔خیر مبارک ہوئے جناب
— Ahmad Hassan Bobak (@ahmad_bobak) May 3, 2024
واضح رہے کہ پاکستان کا سیٹلائٹ مشن 3 سے 6 ماہ تک چاند کے اطراف چکر لگائے گا، سیٹلائٹ کی مدد سے چاند کی سطح کی مختلف تصاویر لی جائیں گی۔
آئی کیوب قمر کو انسٹی ٹیوٹ آف سپیس ٹیکنالوجی نے چین کی شنگھائی یونیورسٹی اور پاکستان کی قومی خلائی ایجنسی سپارکو کے تعاون سے ڈیزائن اور تیار کیا ہے۔ آئی کیوب قمر اوربیٹر چاند کی سطح کی تصویر بنانے کے لیے دو آپٹیکل کیمروں سے لیس ہے۔