گلگت بلتستان کے علاقے منی مرگ سے تعلق رکھنے والے طلباء کی سالانہ امتحانات میں حاضری یقینی بنانے کے لیے پاک فوج کی جانب سے طلباء کو ہیلی کاپٹر پر استور لے جایا گیا کیونکہ شدید برف باری کے باعث منی مرگ اور استور کو ملانے والا برزیل پاس ہر قسم کی ٹریفک کے لیے بند کر دیا گیا تھا۔
ان حالات میں امتحانات کی مقررہ تاریخ قریب آنے پر ایسے طلباء جنہوں نے امتحانات میں شرکت کرنا تھی، پاک آرمی نے ان کی شناخت کرکے انہیں بروقت ہیلی کاپٹر کے ذریعے استور پہنچایا۔ علاقے کے مقامی لوگوں نے طلباء کے تعلیمی حصول کو یقینی بنانے میں پاک فوج کی کوششوں کو سراہا اور ان کا شکریہ ادا کیا۔
