فیڈرل پبلک سروس کمیشن (ایف پی ایس سی) نے سینٹرل سپیریئر سروسز (سی ایس ایس) امتحانات 2023 کے نتائج کا اعلان کردیا ہے، جس میں پاس ہونے والے طلبا کا تناسب 2.96 فیصد رہا ہے۔
فیڈرل پبلک سروس کمیشن (ایف پی ایس سی) کے مطابق تحریری امتحان میں 13,008 امیدوار شریک ہوئے جن میں سے 401 پاس ہوئے ہیں۔
اعلان کے بعد تقرری کے لیے جن امیدواروں کی سفارش کی گئی تھی وہ 210 تھے ، ان میں سے 126 مرد اور 84 خواتین امیدوار تھیں۔
سی ایس ایس امتحان 2023 میں عادل ریاض نے پہلی، شہربانو نے دوسری جبکہ اوکاشا ابرار نے تیسری پوزیشن حاصل کی۔
ایف پی ایس سی نے کہا کہ ہر امیدوار کی تفصیلی مارکس شیٹس مناسب وقت میں ایف پی ایس سی کی ویب سائٹ پر آویزاں کر دی جائیں گی۔ کامیاب ہونے والے امیدواروں کو گریڈ 17 کے افسران کے طور پر تعینات کیا جائے گا۔
