مع السلامہ اور حج آرگنائزر ایسوسی ایشن پاکستان کے باہمی اشتراک سے فیصل مسجد اسلام آباد کے علامہ اقبال آڈیٹوریم میں پاکستان حج، عمرہ نمائش کا انعقاد کیا گیا۔ جس میں حج اور عمرہ سے منسلک ضروری اشیا کے اسٹالز کے علاوہ حج اور عمرہ کرنے کا طریقہ کار اور اس سے جوڑی تمام معلومات کے حوالے سے بھی اسٹالز قائم کیے گئے تھے۔
شرکا کا کہنا تھا کہ اس طرح کی نمائش ان افراد کے لیے بہت اہم ہے جو پہلی بار حج اور عمرہ کے لیے جا رہے ہوں، کیونکہ یہاں نہ صرف ضروری اشیا موجود ہیں بلکہ زائرین کو خاطر خواہ آگاہی حاصل ہوتی ہے، جس سے بعد میں حج اور عمرہ کے دوران کافی آسانی میسر آتی ہے۔
