بالی ووڈ کی بہت سی ایسی مشہورو معروف شخصیات ہیں جنہوں نے بہت ہی کم عرصے میں شہرت کی بلندیوں کو چھو لیا لیکن اچانک اس گلیمر کی دنیا کو چھوڑ کر گوشہ نشین ہوگئیں.
انہی میں سے ایک اداکارہ ایسی بھی ہیں جنہوں نے آسائشوں سے بھری زندگی تج کر پہاڑوں میں زندگی گزارنے کو فوقیت دی۔
سابق ماڈل، اداکارہ اور فلم پروڈیوسر برکھا مدن ہندی اور پنجابی فلموں میں کام کرچکی ہیں اور انہوں نے 1994 میں فاتح سشمیتا سین اور ایشوریہ رائے کے ساتھ مس انڈیا مقابلہ میں حصہ بھی لیا تھا۔ 1996 میں اکشے کمار کی فلم ‘کھلاڑیوں کا کھلاڑی’ سے بالی وڈ میں قدم رکھا، 2003 کی ہارر فلم ‘بھوت’ میں برکھا کے کام کو کافی سراہا گیا.
برکھا مدن نے تقریباً 20 ٹی وی شوز میں بھی کام کیا، لیکن اچانک 2012 میں ایک دن برکھا نے زندگی کا سب سے بڑا فیصلہ کیا اور وہ شوبز انڈسٹری سے کنارہ کشی اختیار کرکے بدھ راہبہ بن گئیں، اب وہ اپنی زندگی پہاڑوں میں واقع خانقاہوں میں گزار رہی ہیں۔
