اسلام آباد کی انسداد دہشت گردی عدالت نے صحافی صدیق جان کا ایک روزہ جسمانی ریمانڈ منظور کرتے ہوئے انہیں پولیس کے حوالے کردیا ہے۔
اسلام آباد پولیس نے صحافی صدیق جان کو اسلام آباد کی انسداد دہشت گردی کی عدالت میں پیش کیا جہاں پر فاضل جج نے فریقین کے وکلاء کے دلائل سننے کے بعد ملزم کا ایک روزہ جسمانی ریمانڈ منظور کرلیا جبکہ پولیس کو حکم دیاگیا ہے کہ صدیق جان کی اہل خانہ سے ملاقات کرائی جائے۔
واضح رہے کہ صحافی صدیق جان کو پیر کی شب حراست میں لیا گیا تھا اور اسلام آباد پولیس نے منگل کے روز ان کی گرفتاری کی باضابطہ تصدیق کی ۔
صدیق جان کواسلام آباد کی میلوڈی مارکیٹ میں واقع ان کے دفترکے باہر سے نا معلوم افراد نے حراست میں لیا گیا تھا۔
صدیق جان کی گرفتاری کی فوٹیج بھی سامنے آئی ہے جس میں سادہ کپڑوں میں ملبوس افراد کو صدیق جان کو اپنے ہمراہ لے جاتے ہوئے دیکھا جاسکتا ہے۔
دوسری جانب صحافی صدیق جان کی گرفتاری کی تصدیق کرتے ہوئے اسلام آباد پولیس نے بتایا ہے کہ صدیق جان کو اسلام آباد کیپیٹل پولیس نے تھانہ سی ٹی ڈی کے مقدمہ 03/23 میں گرفتار کیا ہے۔
اسلام آباد پولیس کے آفیشل ٹوئٹر ہینڈل سے پوسٹ کیے گئے پیغام کے مطابق صدیق جان کو 18 مارچ کے جوڈیشل کمپلیکس کے باہر جلاؤ گھیراؤ کے واقعات کے تناظر میں گرفتار کیا گیا ہے۔
’صدیق جان کو وقت پر عدالت میں پیش کردیا جائے گا۔‘
نجی ٹی وی کا دعویٰ ہے کہ صدیق جان کو شیلنگ کی ویڈیو شیئر کرنے کے معاملے پر حراست میں لیا گیا ہے۔
صدیق جان ولد جان محمد کو اسلام آباد کیپیٹل پولیس نے تھانہ سی ٹی ڈی کے مقدمہ 03/23 میں گرفتار کیا۔
18 مارچ جوڈیشل کمپلیکس جلاؤ گھیراؤ کے واقعات کے تناظر میں گرفتار کیا گیا۔ صدیق جان کو وقت پر عدالت میں پیش کردیا جائے گا۔#ICTP
— Islamabad Police (@ICT_Police) March 21, 2023
دوسری جانب سابق وزیراعظم عمران خان نے صحافی صدیق جان کی گرفتاری کی مذمت کرتے ہوئے کہا ہے کہ تحریک انصاف کے حامی سمجھے جانے والے ہر شخص کو ڈھٹائی کے ساتھ نشانہ بنا یا جا رہا ہے۔
Strongly condemn arrest of Siddique Jan Bol news Bureau Chief Islamabad Anyone thought to be pro PTI is now brazenly targeted. Imran Riaz,Jamil Faruqi, Sabir Shakir,Sami Ibrahim,Ch Ghulam Hussain,Moeed Pirzada – all victimised. Arshad Sharif murdered. BOL & ARY owners targeted. pic.twitter.com/xL5IZQfLGt
— Imran Khan (@ImranKhanPTI) March 20, 2023
