3 میچز پر مشتمل سیریز کے دوسرے ٹی20 میچ میں پاکستان نے آئرلینڈ کو 7 وکٹوں سے شکست دیدی۔ میچ کے دوران چیئرمین پی سی بی محسن نقوی بھی اسٹیڈیم میں موجود تھے۔
سوشل میڈیا پر ان کی ایک ویڈیو وائرل ہورہی ہے جس میں انہیں خوشگوار موڈ میں میچ سے لطف اندوز ہوتے دیکھا جاسکتا ہے۔ ویڈیو میں ایک تماشائی محسن نقوی سے کہتا ہے کہ پاکستانی کھلاڑیوں کی ٹریننگ ٹھیک نہیں ہوئی، ان کی ٹریننگ دوبارہ کرائیں اور اس بار کاکول اکیڈمی سے نہیں بلکہ کرکٹ اکیڈمی سے ٹریننگ کروائیں۔
" انکی ٹرینگ نہیں ہوئی صحیح ، وہاں سے نہ کروائیں ، پی سی بی سے کروائیں " کرکٹ تماشائی کا محسن نقوی سے مکالمہ #MohsinNaqvi #PCB #PAKvsIRE pic.twitter.com/Xjtru592lp
— Siasat.pk (@siasatpk) May 13, 2024
ویڈیو پر صارفین کی جانب سے مختلف تبصرے کیے جا رہے ہیں، ایک صارف نے لکھا کہ محسن نقوی کو کچھ بھی سنائی نہیں دے رہا۔
They cant hear anything 🙄 https://t.co/elldm4BISS
— Shehla Atif (@NaaxDalvi) May 13, 2024
ایک ایکس صارف نے لکھا کہ اس بار کاکول سے ٹریننگ نہ کروائی جائے، گراؤنڈ میں کھڑے کرکٹ تماشائی کی اس تجویز پر محسن نقوی نے ’اوکے‘ کردیا۔
کھلاڑیوں کی ٹریننگ دوبارہ کرائیں، اس دفعہ’’وہاں‘‘ سے نہ کرائیں، گرائونڈ میں کھڑے کرکٹ تماشائی کی تجویز پر محسن نقوی نے’’اوکے‘‘ کر دیا۔۔!!pic.twitter.com/7JIcmZW9k6
— Khurram Iqbal (@khurram143) May 13, 2024
صبیح کاظمی نے محسن نقوی کی ویڈیو شیئر کرتے ہوئے لکھا کہ پاکستانیوں کے چیئرمین پی سی بی کو مشورے۔
محسن نقوی کو پاکستانیوں کا ٹریننگ پر مشورے۔۔۔۔۔ pic.twitter.com/UP9P5tjst6
— Sabee Kazmi (@SabeeKazmi786) May 13, 2024
یاد رہے کہ قومی کھلاڑیوں کی فٹنس میں بہتری کے لیے کاکول اکیڈمی میں 2 ہفتے کا فٹنس کیمپ لگایا گیا تھا۔ کیمپ میں آرمی کے ماہر ٹرینرز کی نگرانی میں کھلاڑیوں کو خصوصی مشقیں کرائی گئی تھیں جبکہ کھلاڑیوں کے فٹنس ایسسمنٹ ٹیسٹ بھی لیے گئےتھے۔
گزشتہ روز دوسرے ٹی 20 میچ میں محمد رضوان نے 46 گیندوں پر 75 رنز کی ناقابل شکست اننگز کھیلی، ان کی اننگز میں 4 چھکے اور 6 چوکے شامل تھے۔ فخر زمان نے 40 گیندوں پر 78 رنز کی شاندار اننگز کھیلی جبکہ اعظم خان 10 گیندوں پر 30 رنز کےساتھ ناٹ آؤٹ رہے، ان کی اننگز میں 4 چھکے اور ایک چوکا شامل تھا، صائم ایوب 6 رنز جبکہ کپتان بابراعظم صفر پر آؤٹ ہوئے۔
3 ٹی 20 میچوں کی سیریز 1-1 سے برابر ہوگئی ہے۔ ڈبلن میں آئرلینڈ نے پاکستان کے خلاف پہلے ٹی 20 میں تاریخی کامیابی حاصل کی تھی۔