سعودی فرمانروا خادم الحرمین شریفین شاہ سلمان بن عبد العزیز نے نے متعدد شاہی فرامین جاری کیے ہیں۔
مزید پڑھیں
عرب نیوز کے مطابق شاہ سلمان نے شہزادہ ڈاکٹر عبد العزیز بن محمد بن عبد العزیز عیاف آل مقرن کو اپنا مشیر خاص مقرر کیا ہے۔ شاہ سلمان نے نائب وزیر نیشنل گارڈ عبد المحسن بن عبد العزیز التویجری کو اپنے منصب سے سبکدوش کرکے ایوان شاہی میں مشیر مقرر کردیا ہے۔
شاہی فرمان میں شہزادہ ڈاکٹر عبد العزیز بن محمد بن عبد العزیز بن عیاف آل مقرن کو نائب وزیر نیشنل گارڈ کی بھی ذمہ داری سونپی گئی ہے۔ شاہ سلمان نے خالد بن محمد بن عبد العزیز العبد الکریم کو سیکریٹری کابینہ مقررکیا ہے۔ شاہی فرمان میں شیہانہ بنت صالح بن عبد اللہ العزاز کو نائب سیکریٹری کابینہ کے منصب سے سبکدوش کرکے ایوان شاہی میں مشیر مقرر کردیا گیا ہے۔
اسی طرح مازن بن ترکی بن عبداللہ السدیری کو کابینہ کونسل میں مشیر مقرر کیا گیا ہے۔ انجینئر سامی بن عبداللہ مقیم کو سعودی ڈیٹا اور مصنوعی ذہانت اتھارٹی میں نائب سربراہ جبکہ الربدی بن فہد بن عبدالعزیز کو قومی ڈیٹا ادارے کے سربراہ کے طور پر مقرر کیا گیا ہے۔
خادم الحرمین شریفین شاہ سلمان نے عبد المحسن بن سعد عبد المحسن کو نائب وزیر خزانہ، عبد العزیز بن سعود بن عبدالعزیز الدحیم کو نائب وزیر تجارت، ڈاکٹر عبد اللہ بن علی بن محمد الاحمری کو نائب وزیر صنعت اور انجینئر انس بن عبد اللہ بن حمد الصلیع کو نائب وزیر سیاحت مقرر کیا ہے۔
