پاکستان نے سینٹرل ایشین والی بال لیگ کے پانچویں پول میچ میں ایران کو 3 کے مقابلے میں ایک سیٹ سے شکست دے کر نہ صرف فتوحات کا سلسلہ برقرار رکھا بلکہ فائنل کے لیے کوالیفائی بھی کرلیا ہے۔
مزید پڑھیں
لیاقت جمنازیم اسلام آباد میں کھیلے گئے میچ میں پاکستان نے ایران کے خلاف 18-25، 25-23، 16-25 اور 20-25 سے فتح حاصل کی۔ ایونٹ کا فائنل آج شام ساڑھے 4 بجے لیاقت جمنازیم اسلام آباد میں پاکستان اور ترکمانستان کے درمیان کھیلا جائے گا۔ واضح رہے کہ گرین شرٹس نے چوتھے پول میچ میں کرغزستان کو بھی 3 صفر سے شکست دی تھی۔
کاوا (CAVA) نیشن والی بال لیگ چیمپیئن شپ میں تیسری پوزیشن کے حصول کے لیے کرغزستان آج (جمعہ) سری لنکا کے خلاف میچ کھیلے گا۔