پنجاب کی وزارت اعلی سنبھالنے کے بعد سے مریم نواز سوشل میڈیا کی زینت بنی رہی ہیں آج بھی انہوں نے لاہور ایلیٹ فورس پنجاب کی پاسنگ آؤٹ پریڈ میں مہمان خصوصی کے طور پر شرکت جہاں انہوں نے خود بھی پولیس کی وردی زیب تن کی ہوئی تھی، جس پر صارفین کی جانب سے مختلف تبصرے شروع ہو گئے۔
وزیراطلاعات پنجاب عظمیٰ بخاری نے سماجی رابطوں کی سائیٹ ایکس پر وزیراعلیٰ پنجاب مریم نواز کی ایلیٹ فورس کی وردی پہنے ویڈیو شیئر کرتے ہوئے لکھا کہ اپنے اداروں اور وردی کو عزت ایسے دی جاتی ہے، انہوں نے مخالفین کو طنزاً لکھا کہ جلنے والے آج کوئی دوائی استعمال کر لیں، تصاویر سے دور رہیں، بعد میں ادارہ ذمہ دار نا ہوگا۔
ایسے دی جاتی ہے اپنے اداروں اور وردی کی عزت
ایلیٹ فورس کے مرد اور خواتین کی پاسنگ آوٹ پریڈ میں شرکت
جلنے والے آج کوئی دوائی استعمال کر لیں،تصاویر سے دور رہیں،بعد میں ادارہ ذمہ دار نا ہوگا- pic.twitter.com/Tjdk9WjwJm— Azma Zahid Bokhari (@AzmaBokhariPMLN) May 17, 2024
ایک صارف نے سوال کیا کہ مریم نواز آرمی کی وردی کب پہن رہی ہیں۔
ماشاللہ 🌸 آرمی کی وردی کب پہن رہی ہے؟
— Shakeel Mirza (@shakeelistic) May 17, 2024
پاکستان تحریک انصاف کے رہنما شیر افضل مروت نے ایلیٹ فورس پنجاب کی وردی پہننے پر مریم نواز کو کچے کے علاقے میں جانے کا مشورہ دے دیا، ان کا کہنا تھا کہ مریم نواز پنجاب پولیس کے دستوں کی قیادت کریں اور کچے کے ڈاکوؤں کا صفایا کریں۔
مریم نواز کی ایلیٹ فورس پنجاب کی وردی پہننے پر شیر افضل مروت کا ردعمل ، مریم نواز کو کچے کے علاقے میں جانے کا مشورہ دے دیا۔ pic.twitter.com/EAHX0jqkV2
— Hussain Ahmed Ch (@HussainAhmedCh8) May 17, 2024
ن لیگ کی حامی صارف مہوش ظفر نے تحریک انصاف کے لوگوں پر تنقید کرتے ہوئے لکھا کہ کام مریم نواز کرتی ہیں اور خون پی ٹی آئی کے لوگوں کا جلتا ہے۔
کام مریم نواز کرتی ہیں اور خون یوتھیوں کا جلتا ہے ✌🏻🤣 pic.twitter.com/kfw0uilrTV
— Mahwish Zafar (@mahwishzafar7) May 17, 2024
پی ٹی آئی کے رہنماشہباز گل نے مریم نواز کی تصویر پر تبصرہ کرتے ہوئے لکھا کہ ’آپ کی خدمت میں ایک اور ڈرامہ پیش‘۔
آپکی خدمت میں ایک اور ڈرامہ پیش۔ pic.twitter.com/nqrnFDJlwj
— Dr. Shahbaz GiLL (@SHABAZGIL) May 17, 2024
صحافی وحید مراد لکھتے ہیں کہ آج تو مریم نواز نے ایلیٹ فورس کی وردی پہن لی اب کیا ہو گا؟
آج تو ایلیٹ فورس کی وردی پہن لی۔ اب کیا ہوگا#MaryamNawaz pic.twitter.com/FJbsljTUL6
— A.Waheed Murad (@awaheedmurad) May 17, 2024
ایک صارف نے لکھا کہ بس اب صرف یہی پہننا رہ گیا تھا۔ پتہ نہیں مریم نواز یہ سب کر کے کیا سمجھ رہی ہیں کہ وہ بہت اچھی لگیں گی، ان کا مزید کہنا تھا کہ مریم نواز کو وردی میں دیکھ کر میرا سارا موڈ خراب ہو گیا۔
بس اب صرف یہی پہننا رہ گیا تھا۔
پتہ نہیں مریم نواز یہ سب کر کے کیا کیا سمجھ رہی ہوگی کہ میں کول لگوں گی۔
اج تو صبح صبح یہ دیکھ میرا سارا موڈ خراب ہو گیا توبہ توبہ۔
🤣🤣 pic.twitter.com/ZJLUXpeYBd— Arman Tweets (@ArmanKpTweets) May 17, 2024
واضح رہے کہ اس سے قبل گزشتہ ماہ اپریل میں خواتین پولیس ریکروٹس کی پاسنگ آؤٹ پریڈ میں بھی وزیر اعلیٰ پنجاب نے پولیس وردی پہنی تھی۔ پولیس وردی پہننے کی وجہ سے وہ ہر جگہ موضوع گفتگو بنی تھیں۔
