امریکی کمپنی نے صارفین کو بعد از مرگ پیغامات بھیجنے کی سہولت دینے والی ایپ متعارف کرا دی ہے۔
ایٹرنل (ابدی) نامی یہ ایپلی کیشن (ایپ) آپ کو موت کے بعد اپنے پیاروں سے رابطہ برقرار رکھنے کے قابل بناتی ہے۔
یہ ایک حقیقت ہے کہ جب آپ مرنے والوں سے پیغامات وصول کرنے کے بارے میں سوچتے ہیں تو اس دوران نفسیاتی ذرائع عام طور پر ذہن میں آتے ہیں لیکن اب شاید ایسا نہیں ہو گا۔
میساچوسٹس میں قائم ایک ویب ہوسٹنگ کمپنی ’ایٹرنل‘ یعنی ’ابدی‘ نامی اس ایپلی کیشنز نے حال ہی میں ’ زندگی کے اختتام کے بعد پیغام رسانی کا پلیٹ فارم‘ لانچ کر دیا ہے ، جس سے صارفین اپنے ذاتی پیغامات تخلیق کرسکتے ہیں جو صارفین کے مرنے کے بعد اہل خانہ اور دوستوں تک پہنچائے جائیں گے۔
یو ایس اے ٹوڈے کی رپورٹ کے مطابق ایٹرنل ایپلی کیشنز نے ایک پریس ریلیز میں کہا ہے کہ اس میں ایک ایڈمنسٹریٹر سسٹم استعمال کیا گیا ہے جو کسی صارف کی موت کی اطلاع دیتا ہے اور پھر اس کے ایپ پر ریکارڈ شدہ پیغامات کو ان کے خاندان تک پہنچایا جاتا ہے۔
کمپنی کا کہنا ہے کہ اس ایپ کو لانچ کرنے کا مقصد ان صارفین کو ذہنی سکون فراہم کرنا ہے جو اپنے پیاروں کی زندگی سے متعلق یادوں اور کہانیوں کو شیئر اور یاد رکھنا چاہتے ہیں۔
یہ ایپ کیسے کام کرتی ہے؟
کمپنی نے پریس ریلیز میں انکشاف کیا کہ صارفین پیغامات کو ریکارڈ کرنے اور بھیجنے کے لیے ’ استعمال میں آسان ٹیکسٹ، ویڈیو اور آڈیو ٹولز‘ استعمال کرسکیں گے۔
اس کے بعد وہ پیغام کے وصول کنندہ کا انتخاب کرسکتے ہیں اور وہ تاریخ منتخب کرسکتے ہیں جس پر وہ پیغام پہنچانا چاہتے ہیں۔
جب مقررہ تاریخ آتی ہے تو ’ایٹرنل ایپلی کیشنز‘ وصول کنندہ کو ایک لنک بھیجا جائے گا جہاں وہ پیغام کو پڑھنے ، دیکھنے یا سننے کے قابل ہوگا اور اسے اپنے فون، کمپیوٹر یا ٹیبلٹ پر ڈاؤن لوڈ بھی کیا جا سکے گا۔
ایٹرنل ایپلی کیشنز کے بانی کرس جلبرٹ کا کہنا ہے کہ ’ الفاظ وقت گزرنے کے ساتھ معدوم ہو جاتے ہیں، لیکن ای میسیج بنانے سے آپ اپنے پیاروں کو جتنی بار چاہییں دوبارہ کھیلنے یا دوبارہ پڑھنے کا موقع حاصل کر سکتے ہیں۔
