چیف کمشنر اور آئی جی اسلام آباد کی رہائش گاہ کے قریب سے لاکھوں روپے مالیت کی (تار) کیبل چوری کرنے والے گروہ کو پولیس نے گرفتار کرلیا، پولیس نے تینوں ملزمان سے چوری شدہ کیبل برآمد کرلی۔
چوروں کی دیدہ دلیری۔۔ آئی جی اسلام آباد کی سرکاری رہائش گاہ کے باہر سے لاکھوں روپے مالیت کی ٹیلیفون کیبلز کاٹ کر لے گئے ۔۔@ICT_Police pic.twitter.com/ZfTPScDnOh
— Latif Shah (@Latifshahji) May 19, 2024
پولیس کے مطابق آئی جی اسلام آباد اور چیف کمشنر کی رہائش کے قریب سے لاکھوں روپے مالیت کی کیبل چوری کرنے والے گروہ کے 3 ارکان کو گرفتار کر لیا گیا ہے۔ ملزمان کے خلاف مقدمہ درج کرکے کیبل برآمد کرلی گئی ہے۔
ایس ایچ او تھانہ کوہسار کے مطابق یہ گروہ کیبل چوری کی مختلف وارداتوں میں مطلوب تھا، گروہ کے تینوں ارکان کے خلاف تکنیکی بنیادوں پر تفتیش عمل میں لاتے ہوئے 24 گھنٹے کے اندر گرفتار کیا گیا ہے۔
اس سے قبل سوشل میڈیا پر چیف کمشنر اور آئی جی اسلام آباد کے گھر کے قریب سے کیبل چوری ہونے پر شہریوں نے اسلام آباد پولیس کو خوب تنقید کا نشانہ بنایا۔
بتایا جاتا ہے آئی جی صاحب رات کو بھی جاگتے ہیں تو پھر بھی یہ ہو گیا https://t.co/AT9GJ2Tjxz
— Saqib Bashir (@saqibbashir156) May 19, 2024
شہریوں نے اسلام آباد پولیس پر تنقید کرتے ہوئے لکھا کہ آئی جی اسلام آباد کا 24 گھنٹے جاگنے کا کیا فائدہ، گھر کے باہر سے کوئی کیبل کاٹ کے لیے گیا۔
چوروں کو پڑ گئے مور۔۔۔۔ https://t.co/qcE7pqvjl2
— Ch Fawad Hussain (@fawadchaudhry) May 19, 2024
سابق وفاقی وزیر فواد چودھری نے بھی اس معاملے پر خاموش رہنا مناسب نہیں سمجھا اور تنقید کرتے ہوئے لکھا کہ ’چوروں کو پڑ گئے مور‘۔
لاکھوں کی چوری، آئی جی کے رہائش گاہ کے نزدیک ہی، سمجھ رہے ہو😉 https://t.co/i4VI1SttXT
— Nauman (@inauman123) May 19, 2024
ایک صارف نے تنقید کرتے ہوئے لکھا کہ چوری آئی جی اسلام آباد کے گھر کے باہر سے ہوئی ہے، خود ہی سمجھ جائیں۔