پاکستان تحریک انصاف (پی ٹی آئی) کے مرکزی سیکریٹری اطلاعات رؤف حسن پر گزشتہ روز اسلام آباد میں4 نامعلوم افراد کی جانب سے حملہ کیا گیا جس میں وہ شدید زخمی ہوگئے، رؤف حسن کے چہرے پر تیز دھار آلے سے وار کیا گیا حملے کا مقدمہ تھانہ آبپارہ میں درج کیا گیا۔
ایف آئی آر میں رؤف حسن کی جانب سے کہا گیا ہے کہ حملہ آورروں نے تیز دھار آلے سے حملہ کر کے جان سے مارنے کی کوشش کی ہے۔ دو روز قبل بھی حملہ کیا گیا تھا، تحریک انصاف کا ترجمان ہوں اور مجھے جان سے مارنے کی کوشش کی گئی ہے، مجھے جان کا تحفظ دیا جائے۔
مزید پڑھیں
رؤف حسن پر حملے کی ویڈیو اور تصاویر سوشل میڈیا پر وائرل ہوگئیں جس میں دیکھا جاسکتا ہے کہ انہیں گال پر گہرا کٹ لگا ہے۔ پی ٹی آئی کے بانی عمران خان نے واقعے کی مذمت کرتے ہوئے اپنے آفیشل ٹوئٹر اکاؤنٹ پر بیان جاری کیا جس میں ان کا کہنا تھا کہ پاکستان تحریک انصاف ان مکروہ ہتھکنڈوں اور پُرتشدد کارروائیوں سے ہرگز خوفزدہ نہیں ہوگی۔
ان کا مزید کہنا تھا کہ اپنی جماعت کے مرکزی سیکرٹری اطلاعات رؤف حسن پر بزدلانہ حملے کی شدید مذمت کرتا ہوں۔ پوری قوم جانتی ہے کہ ہماری قیادت پر ایسے حملے کون کروا رہا ہے۔ یہ وہی قوّتیں ہیں جو پردوں کے پیچھے چھُپ کر وار کرتی،اپنے ٹاؤٹوں، اپنے مہروں کے ذریعے خوف و ہراس پھیلاتی، ججوں کو دھمکاتی اور پوری ڈھٹائی سے انتخابی نتائج کے ساتھ چھیڑ چھاڑ کرکے پورے انتخابی عمل کو ایک مذاق بنا کر رکھ دیتی ہیں۔
اپنی جماعت کے مرکزی سیکرٹری اطلاعات رؤف حسن پر بزدلانہ حملے کی شدید مذمت کرتا ہوں۔ پوری قوم جانتی ہے کہ ہماری قیادت پر ایسے حملے کون کروا رہا ہے۔ یہ وہی قوّتیں ہیں جو پردوں کے پیچھے چھُپ کر وار کرتی،اپنے ٹاؤٹوں، اپنے مہروں کے ذریعے خوف و ہراس پھیلاتی، ججوں کو دھمکاتی اور پوری… pic.twitter.com/chuoAtXpNZ
— Imran Khan (@ImranKhanPTI) May 21, 2024
صحافی صابر شاکر کا کہنا تھا کہ رؤف حسن کی گردن کاٹنے کی کوشش کی گئی اصل نشانہ شہہ رگ تھی۔ ان کا مزید کہنا تھا کہ یہ خواجہ سرا نہیں بلکہ اس کے پیچھے کوئی اور ہے اور یہ کسی ماہر پروفیشنل نشانہ باز کا کام لگتا ہے۔
رؤف حسن کی دراصل گردن کاٹنے کی کوشش کی گئی اصل نشانہ شہہ رگ تھی۔ یہ کسی ماہر پروفیشنل نشانہ باز کا ایکٹ لگتا ہے۔ یہ ہرگز ہرگز خواجہ سرا نہیں ہیں بلکہ ۔۔۔۔ یہ کھسرا گردی ہے اور اس کے پیچھے یقینا کوئی اور ہے pic.twitter.com/LkTs8WdcAS
— Sabir Shakir (@ARYSabirShakir) May 21, 2024
رؤف حسن پر حملے کے بعد خواجہ سراؤں کی تنظیم کے راولپنڈی کی سربراہ صبا گل کا مذمتی بیان بھی سامنے آگیا جس میں ان کا کہنا تھا کہ ہمارے خواجہ سرا ایسا کام نہیں کرسکتے ہیں، آپ نے ملک کے ساتھ کیا مذاق بنایا ہے۔ ہماری کمیونٹی کو اپنے مقاصد کے لیے استعمال نہ کریں۔ سیاست کو اپنی جگہ رکھیں ہم رؤف حسن پر حملے کی مذمت کرتے ہیں۔
خواجہ سرا بھی اس گھٹیا عمل پر شرمندہ ہو رہے ہیں اور وہ خواجہ سراؤں کی تنظیم کے راولپنڈی کے سربراہ کا مذمتی بیان سامنے آگیا۔۔۔
یہ ہماری کمیونٹی کا کام نہیں ہے…ڈوب مریں وہ جنہوں نے کروایا۔pic.twitter.com/uLf5n1NdWr— Aftab Iqbal Fan (@AftabIqbalFan) May 21, 2024
پاکستان تحریک انصاف (پی ٹی آئی) چیئرمین بیرسٹر گوہر نے کہا ہے کہ ایسا لگ رہا ہے رؤف حسن کی زندگی لینے کےلیے حملہ کیا گیا۔ ان کا کہنا تھا کہ رؤف حسن نے کبھی ایسا کام نہیں کیا کہ ان پر کوئی حملہ کیا جائے، حملے کی پوری جانچ پڑتال کی جائے۔
مرکزی سیکرٹری اطلاعات پالستان تحریک انصاف رؤف حسن پر قاتلانہ حملے کی شدید مذمت کرتے ہیں۔
لازم ہےکہ اس حملے کی جامع تحقیقات کی جائیں اور ذمہ داروں کو انصاف کے کٹہرے میں لایا جائے۔ pic.twitter.com/En1izVS6ud
— Barrister Gohar Khan (@BarristerGohar) May 21, 2024
پی ٹی آئی رہنما حماد اظہر کا کہنا تھا کہ رؤف حسن دبنگ طریقے سے ملک میں جاری فسطائیت کی حقیقت بیان کرتے ہیں اور کرتے رہیں گے۔ ان پر نامعلوم افراد کا حملہ بزدلانہ عمل اور گھبراہٹ کی نشانی ہے۔
روف حسن دبنگ طریقے سے ملک میں جاری فسطائیت کی حقیقت بیان کرتے ہیں اور کرتے رہیں گے۔ ان پر نامعلوم افراد کا حملہ بزدلانہ عمل اور گھبراہٹ کی نشانی ہے۔ pic.twitter.com/I95GQrIdfx
— Hammad Azhar (@Hammad_Azhar) May 21, 2024
صحافی حبیب اکرم کا کہنا تھا کہ رؤف حسن پر حملہ ایک میڈیا آفس کے باہر ہوا ہے یہ ایک سیاسی جماعت کو بھی پیغام ہے اور کسی اور کو بھی پیغام ہے۔
رؤف حسن پر حملہ ایک میڈیا آفس کے باہر ہوا ہے یہ ایک سیاسی جماعت کو بھی پیغام ہے اور کسی اور کو بھی پیغام ہے ! حبیب اکرم ۔۔ pic.twitter.com/qO4Es89hg7
— AMJAD KHAN (@iAmjadKhann) May 21, 2024
سابق وزیراعلیٰ پنجاب چوہدری پرویز الٰہی کے بیٹے مونس الٰہی کا کہنا تھا کہ رؤف حسن پر حملہ نہایت ہی گھٹیا حرکت ہے۔ اس حملے سے نہ رؤف حسن ڈریں گے اور نہ ہی پی ٹی آئی۔
روف حسن صاحب @RaoofHasan پر حملہ نہایت ہی گھٹیا حرکت ہے۔ اس حملے سے نہ روف صاحب ڈریں گے اور نہ ہی پی ٹی آئی ۔ pic.twitter.com/pFOp7mIM5T
— Moonis Elahi (@MoonisElahi6) May 21, 2024
