اسلام آباد: پی ٹی آئی کا مرکزی دفتر ایک بار پھر سیل

اسلام آباد پولیس نے پاکستان تحریک انصاف (پی ٹی آئی) کے مرکزی دفتر پر ایک بار پھر چھاپہ مارکر اسے سیل کردیا ہے۔

پی ٹی آئی کے ذرائع کا کہنا ہے کہ اسلام آباد کے سیکٹر G-8/4 میں واقع پارٹی کے مرکزی دفتر پر چھاپہ مارا گیا اور اسے سیل کردیا گیا۔

مزید پڑھیں

دوسری جانب سی ڈی اے کے ترجمان نے وضاحت جاری کی ہے کہ سیکٹر G-8/4 میں ایک سیاسی جماعت (پی ٹی آئی) کی طرف ایک پلاٹ پر قائم کی گئی تجاوزات اور غیرقا نونی تعمیرات کو ختم کیا جا رہا ہے۔

سی ڈی اے حکام کا کہنا ہے کہ مذکورہ پلاٹ سرتاج علی نامی شخص کے نام الاٹ ہے جہاں بلڈنگ بائی لاز کی خلاف ورزیوں، غیر قانونی تعمیرات اور تجاوزات کے خاتمے کے لیے آپریشن کیا گیا۔

مذکورہ پلاٹ سے ملحقہ اراضی پر قبضہ کر کے بڑے پیمانے پر تجاوزات قائم کی گئیں اور ایک اضافی منزل بھی تعمیر کی گئی تھی۔

حکام نے کہا کہ پلاٹ مالک کی طرف سے متعدد دیگر خلاف ورزیاں کی گئی ہیں جسے متعدد بار خبردار کرنے کے ساتھ ساتھ نوٹسسز بھی جاری کیے جا چکے تھے۔ اس ضمن میں ایک نو ٹس 19نومبر 2020، ایک 22 فروری 2021 اور ایک اور 14 جون 2022 کو جاری کیا گیا جبکہ4 ستمبر 2023 کو خلاف ورزیاں ختم نہ کرنے پر شوکاز نوٹس جاری کیا گیا۔