انگلینڈ کے چڑیا گھر سے فرار ہونے والے ریزو کو تلاش کرلیا گیا، اس عجیب و غریب جانور کو چڑیا گھر کی انتظامیہ نے پکڑ کر قرنطینہ کردیا ہے۔
مزید پڑھیں
انگلینڈ کے ہمسلی کنزرویشن سینٹر نے سوشل میڈیا پر پیغام میں کہا کہ وسطی امریکی ٹائرا نیسل جس کا نام ریزو ہے، جالی کو نقصان پہنچا کر فرار ہوگئی تھی، مفرور ریزو کی تلاش کے لیے ہماری ٹیم سرگرم رہی اور 5 دن کی تلاش کے بعد اسے ڈھونڈ نکلانے میں کامیاب رہی، اب اسے پکڑ کر واپس چڑیا گھر میں پہنچا دیا گیا ہے۔
چڑیا گھر کے منتظمین نے کہا ہے کہ ریزو کو کچھ دنوں کے لیے قرنطینہ میں رکھا جائے گا تاکہ یہ یقینی بنایا جا سکے کہ وہ فرار کے دوران کسی انفکیشن یا بیماری کا شکار تو نہیں ہوئی، اطمینان کے بعد اسے اس کے ساتھی کینیکی کے ساتھ دوبارہ ملا دیا جائے گا۔
یاد رہے کہ اس عجیب و غریب جانور کو ٹائرا کہا جاتا ہے، جو ایرا باربرا جینس سے ہے، یہ جانوروں کے نیزل خاندان سے تعلق رکھنے والا ایک ہمنوورس جانور ہے، ایرا باربرا جینس میں یہ واحد نوع ہے۔
وسطی امریکا میں یہ جانور ٹولو مکو اور پیری کو لگیرو کے نام سے بھی جانا جاتا ہے، جنوبی امریکا کے ملک ہونڈوراس میں اسے motete ، برازیل میں ایرارا، جزیرہ نما یوکاتان میں سان ہول یا بوڑھا آدمی، جزیرہ ٹرینیڈاڈ میں ووڈز ڈاگ اور چین بائیوس کے ناموں سے جانا جاتا ہے، ایرا جینس کا نام بولیویا اور پیرو میں جانور کے مقامی نام سے لیا گیا ہے، جبکہ باربرا کا مطلب ‘عجیب’ یا ‘غیر ملکی’ ہے۔
