دنیا بھر میں سب سے عمردراز دولہا اور دولہن کے چرچے

وہ کہتے ہیں نا کہ د ل ہونا چاہیے جوان عمر میں کیا رکھا ہے۔ پیار تو کسی بھی عمر میں ہو سکتا ہے۔ ایسے ہی ایک جوڑے کی دھوم پوری دنیا میں مچی ہوئی ہے۔

امریکی ریاست پینسلوینیا کے مارجوری فٹرمین اور برنی لٹ مین نے ایک بار پھر یہ ثابت کردکھایا ہے ۔ 102 سال کی مارجوری فٹرمین نے 100 سال کے برنی لٹ مین کے ساتھ شادی رچائی ہے اور کافی خوش ہیں۔

دونوں 9 سال سے ایک دوسرے کو ڈیٹ کررہے تھے ۔ جب انہوں نے اپنے اہل خانہ کو شادی کرنے کے بارے میں بتایا تو سب خوشی سے جھوم اٹھے ۔ سب نے مل کر شاندار انعقاد کیا ۔لٹ مین کی پوتی سارا لٹ مین نے بتایا کہ جب ان کے دادا نے شادی کرنے کی خواہش ظاہر کی تو اہل خانہ حیرت زدہ بھی تھےاور کافی خوش بھی تھے ۔ دادا جی چاہتے تھے کہ شادی کو قانونی درجہ دیا جائے، اس لئے انہوں نے 19 مئی کو شادی کرنے کے بعد میریج رجسٹریشن بھی کرایا ۔ ہم حقیقت میں خوش ہیں کہ ہمارے دادا جی کے ساتھ رہنے کیلئے کوئی تو ہے ۔ اس شادی کے ساتھ وہ سب سے عمردراز دولہا اور دولہن بن گئے ہیں ۔

گنیز ورلڈ ریکارڈ کے مطابق سب سے عمر دراز جوڑے کی شادی کا موجودہ ورلڈ ریکارڈ برطانیہ کے ڈورین اور جارج کربی کے نام ہے جن کی 2015 میں شادی ہوئی تھی ۔ اس وقت دونوں کی کل عمر 194 سال اور 279 دن تھی ۔

اس حساب سے دیکھیں تو مارجوری فٹرمین اور برنی لٹ مین 202 سال کی عمر میں شادی کی ۔ سارا لٹ مین نے کہا کہ ہم نے گنیز ورلڈ ریکارڈز کو اسے سب سے عمر دراز شادی کا اعلان کرنے کی تجویز بھیجی ہے ۔ ہمیں یقین ہے کہ ہماری تجویز قبول کی جائے گی ۔