وکٹر راج جو کہ لاہور کے رہائشی ہیں، 20 برس سے گلگت بلتستان میں مقیم ہیں۔
انہوں نے کہاکہ گلگت بلتستان بہت خوبصورت ہے، کام کے سلسلے میں یہاں آیا تھا اور یہیں کا ہوکر رہ گیا ہوں۔
انہوں نے کہاکہ گلگت بلتستان جتنا خوبصورت علاقہ ہے ویسے ہی یہاں کے لوگ بھی اعلیٰ اخلاق کے مالک ہیں جو عزت دیتے ہیں اور خیال رکھتے ہیں۔
انہوں نے کہاکہ گلگت بلتستان میں کرسچن کمیونٹی کی تعداد اتنی زیادہ نہیں مگر یہاں کے لوگوں میں رہ کر کبھی ایسا نہیں لگا کہ میں اپنے علاقے سے دور آیا ہوں بلکہ یہ ہمارے لوگوں سے بھی زیادہ ہماری عزت کرتے ہیں۔
وکٹر راج نے مزید بتایا کہ ان کی اہلیہ کا انتقال ہوچکا ہے جس کے بعد انہوں نے دوسری شادی کی ہے۔ ’میری بیوی میرے ہر کام میں ساتھ دیتی ہے اور میں گھر کے کاموں میں بھی ان کی مدد کرتا ہوں‘۔
