اسپین نے فلسطین کو باضابطہ طور پر آزاد ریاست تسلیم کرلیا

اسپین نے باضابطہ طور پر فلسطین کو آزاد ریاست کی حیثیت سے تسلیم کرلیا، ہسپانوی وزیر اعظم نے کابینہ کی منظوری کے بعد فلسطین کو آزاد ریاست تسلیم کرنے کا باقاعدہ اعلان کیا، انہوں نے کہا کہ امن فلسطین کا بنیادی حق ہے۔

غیرملکی خبررساں ادارے اے ایف پی کے مطابق ہسپانوی وزیراعظم نے فلسطین کو آزاد ریاست تسلیم کرنے کا باضابطہ اعلان کرتے ہوئے کہا کہ فلسطینوں کوتسلیم کرنا تاریخ سازلمحہ ہے۔ کابینہ نے فلسطین کو آزاد ریاست تسلیم کرنے کی منظوری دی ہے۔

ہسپانوی وزیر اعظم پیڈرو سانچیز کہا کہ فلسطینیوں پر مظالم کی مثال نہیں ملتی، فلسطین میں امن کا قیام ہم سب کی مشترکہ ذمہ داری ہے۔

واضح رہے کہ فلسطین کو تسلیم کرنے والے ممالک کی تعداد 146 ہوگئی ہے۔ آئر لینڈ اور ناروے کی جانب سے بھی آج فلسطینی ریاست کو تسلیم کیے جانے کا اعلان متوقع ہے۔