انگلینڈ نے چوتھے ٹی20 میچ میں پاکستان کو 7 وکٹوں سے شکست دے کر سیریز 0-2 سے اپنے نام کرلی۔
انگلینڈ نے سیریز کے چوتھے اور آخری ٹی20 میچ میں ٹاس جیت کر بولنگ کا فیصلہ کیا تھا، پاکستانی ٹیم پہلے بیٹنگ کرتے ہوئے 19.5 اوورز میں 157 رنز بناکر آل آؤٹ ہوگئی اور انگلینڈ نے 158 رنز کا ہدف باآسانی 16ویں اوور 2 وکٹوں کے نقصان پر حاصل کرلیا۔
قومی ٹیم کی ہار پر پاکستانی شائقین ناراض ہیں اور ٹیم سلیکشن پر سوالات اٹھاتے نظر آئے۔ صارفین کی ایک بڑی تعداد اعظم خان کو تنقید کا نشانہ بناتی نظر آئی جن کا کہنا تھا کہ انہوں نے بہت بُری وکٹ کیپنگ کی۔
ایک صارف نے ویڈیو شیئر کی جس میں حارث رؤف کی گیند پر اعظم خان کو کیچ ڈراپ کرتے دیکھا جاسکتا ہے جس پر انہوں نے کہا کہ اعظم خان بین الاقوامی کرکٹ کے لیے شرمندگی کا باعث ہیں۔
Azam Khan is an embarrassment to international cricket pic.twitter.com/Ferp0ys5nf
— yang goi (@GongR1ght) May 30, 2024
سابق وفاقی وزیر فواد چوہدری نے پاکستانی ٹیم کی انگلینڈ سے ہار پر طنزاً لکھا کہ شاید اب وقت آگیا ہے کہ برطانوی مظالم کے خلاف چیف جسٹس ایک اور خط لکھیں۔
Calls for another letter by CJP mentioning Brits atrocities #EnglandVsPak @JaneMarriottUK
— Ch Fawad Hussain (@fawadchaudhry) May 30, 2024
پاکستانی آل راؤنڈر شاداب خان کو بھی خراب فارم کی وجہ سے تنقید کا سامنا ہے۔ صارفین کا کہنا ہے کہ یہ ان کے ٹی20 کیریئر میں اب تک کی بدترین کارکردگی ہے۔
اسپورٹس جرنلسٹ فرید خان لکھتے ہیں کہ نہ بولنگ کرسکتے ہیں اور نہ ہی بیٹنگ، شاداب خان اپنے کیریئر کے بدترین دور سے گزر رہے ہیں اور بابر اعظم انہیں ابرار احمد اور اسامہ میر پر فوقیت دے رہے ہیں۔
Can't bowl, can't bat – Shadab Khan is going thru the worst phase of his career and Babar Azam keeps playing him over Abrar Ahmed & Usama Mir 😭😭😭💔💔💔#tapmad #HojaoADFree #PAKvsENG #ENGvPAK pic.twitter.com/pX189TK3MP
— Farid Khan (@_FaridKhan) May 30, 2024
صحافی مبشر لقمان لکھتے ہیں کہ اعظم خان ہمارے ملک میں اقربا پروری کی بہترین مثال ہیں۔ انہوں نے تنقید کرتے ہوئے لکھا کہ جو بے شرم لوگ مسلسل انہیں سپورٹ کررہے ہیں ان پر فرد جرم عائد کرکے سزا دی جائے۔ یہ ایک مجرمانہ فعل ہے کوئی معمولی غلطی نہیں۔
Azam Khan is the best example of nepotism in our country. Mediocrity rules here in every department. Shameless people who persisted with him must be charged and sentenced. This is a criminal act not a simple mistake.
— Mubasher Lucman (@mubasherlucman) May 30, 2024
اسپورٹس جرنلسٹ عمران صدیقی نے اعظم خان کا دفاع کرتے ہوئے کہا کہ کوئی افتخار احمد کی بھی بات کرے گا جو پاکستان کے لیے 63 ٹی20 کھیل چکے ہیں اور 1000 رنز بھی مکمل نہیں کرسکے یا ایجنڈا صرف اعظم خان کے خلاف ہی ہے؟
Just a reminder that Iftekhar Ahmed has played 63 T20Is for Pakistan and could not even complete 1000 Runs
Inki bhi koi BAAT karega ya agenda sirf Azam Khan par fit bethta hai ? pic.twitter.com/YNjyTmkelj
— ٰImran Siddique (@imransiddique89) May 30, 2024
ایک صارف نے لکھا کہ اعظم خان کرکٹ کی تاریخ کے بدترین وکٹ کیپر ہیں۔
Azam Khan is the WORST Wicket Keeper ever in the history of cricket!#ENGvPAK
— عاقد (@aquidtweets) May 30, 2024
ایک ایکس صارف نے لکھا کہ ہم جیسے مداحوں کے لیے میچ بہت مایوس کن تھا جو بہت بڑی تعداد میں میچ دیکھنے پہنچے تھے۔ ان کا کہنا تھا کہ ٹیم کی سلیکشن اچھی نہیں تھی، بلے بازی بہت ہی خراب تھی اور بولرز نے بہت بُری بولنگ کی۔ انہوں نے مزید کہا کہ 10 اوور کے بعد میچ میں دلچسپی باقی نہیں رہی۔
Really disappointing for Pakistani diehard cricket fans like us, who turned up in big numbers to support them. Lacklustre team selection, pathetic batting, awful bowling from our much hyped fast bowlers #EngvPak @aaliaaaliya @BasitSubhani. We lost interest after 1st 10 overs!
— Engr Shahid (@Rizwan06) May 31, 2024
قومی ٹیم کے کپتان بابراعظم نے انگلینڈ کے خلاف 4 میچوں کی ٹی20 سیریز میں شکست کی وجہ بتاتے ہوئے کہا کہ مڈل اوورز میں بلے بازوں نے ذمہ داری نہیں دکھائی، ماڈرن کرکٹ سے دوری ہی شکست کی وجہ بنی ہے۔
واضح رہے پاکستان اور انگلینڈ کے درمیان 4 میچوں کی ٹی20 سیریز کھیلی گئی، 2 میچ بارش کی وجہ سے متاثر ہوئے جبکہ 2 میچوں میں انگلینڈ نے پاکستان کو شکست دے کر سیریز اپنے نام کی۔
