قومی ٹیم کے فاسٹ بولر نسیم شاہ کا 2022 کے ورلڈکپ کے بعد کا ایک بیان سوشل میڈیا پر وائرل ہو رہا ہے جس میں وہ اپنے ساتھ پیش آنے والا ایک واقعہ بتاتے ہیں۔
نسیم شاہ کا کہنا تھا کہ ایک انکل ان کے گھر کے باہر جلیبیاں بناتے تھے۔ وہ ورلڈ کپ کے بعد انہیں نصیحت کرنے لگے کہ ورلڈ کپ کے فائنل میچ میں انہوں نے کون کون سی غلطیاں کی تھیں۔
نسیم شاہ نے کہا کہ میں نے ہنستے ہوئے ان سے کہا، ’انکل جی، میں دو سال سے آپ سے جلیبیاں خرید رہا ہوں، کیا میں نے کبھی آپ سے کہا کہ ان جلیبیوں کی شکل غلط ہے یا آپ نے یہ اچھی نہیں بنائیں‘۔
نسیم شاہ نے ان انکل سے مزید کہا کہ ہم انسان ہیں اور ہم سے غلطیاں ہوتی ہیں۔ آپ سے بھی غلطیاں ہوتی ہوں گی تو ہمیں بھی معاف کر دیں۔
Naseem Shah shares an incident after the last T20 WC final 🗣
Full feature 👉 https://t.co/Dse52Nx9RI #T20WorldCup pic.twitter.com/1YFQWsxBnX
— ESPNcricinfo (@ESPNcricinfo) May 31, 2024
ان کا یہ پرانا بیان ایک بار پھر سوشل میڈیا پر وائرل ہو رہا ہے جس پر صارفین کی جانب سے مختلف تبصرے کیے جا رہے ہیں۔ ایک صارف نے نسیم شاہ سے کہا کہ جلیبی والے انکل کی بات سن لیں کیونکہ اب واقعی آپ کو اس کی ضرورت ہے۔
Jalebi wale ko sun le bhai ab, you really need it https://t.co/anE3l6vRDT
— . (@Talha83674561) May 31, 2024
ابوبکر نامی صارف لکھتے ہیں کہ یہ بہت عجیب بات ہے کہ کھلاڑی کس طرح یہ سوچ سکتے ہیں کہ ان پر تنقید نہیں کی جانی چاہیے۔ انہوں نے کہا کہ آپ کو ہمارے ٹیکس کے پیسے سے تنخواہ ملتی ہے اور ہم آپ کو اسٹار بناتے ہیں، اس لیے ہم ادب کے ساتھ کھیل کے بارے میں سب کچھ کہنے کے مستحق ہیں۔
Funny how players think they shouldnt be criticized..u get pay from our tax money and we make u star..we deserve to say everything in manners about sports https://t.co/h1yPrPk4bz
— ABUBAKAR (@nobdycaresss) May 31, 2024
ایک صارف نے لکھا کہ نسیم شاہ نے فائنل بہت اچھا کھیلا تھا لیکن بد قسمتی سے وہ کوئی بھی وکٹ لینے میں ناکام رہے۔
Naseem was sooooperb in the final… extremely unlucky not to get wickets
— SJ Ahmed (@SuhaibJAhmed) May 31, 2024
