آئی سی سی مینز ٹی20 ورلڈکپ 2024 کے افتتاحی میچ میں امریکا نے کینیڈا کو 7 وکٹوں سے شکست دیدی۔ کینیڈا نے میزبان امریکا کو جیت کے لیے 195 رنز کا ہدف دیا ہے۔ امریکا نے 17.4 اوورز میں 3 کھلاڑیوں کے نقصان پر 197 رنز بنا کر ہدف حاصل کرلیا۔ امریکی کھلاڑی 40 گیندوں پر 94 رنز بنا کر ناٹ آؤٹ رہے۔
ڈیلس میں کھیلے جا رہے گروپ اے کے میچ میں امریکا کے کپتان مونانک پٹیل نے ٹاس جیت کر کینیڈا کو پہلے بیٹنگ کی دعوت دی تھی۔
کینیڈا نے امریکا کے خلاف شاندار بیٹنگ کرتے ہوئے مقررہ 20 اوورز میں 5 وکٹوں پر 194 رنز اسکور کیے، نوونیت دھالیوال نے 61 رنزکی بہترین اننگز کھیلی۔ نکولس کرٹن نے 51، ارون جانسن نے 23، دلپریت باجوہ نے 11 رنز بنائے جبکہ شریاس مووا 32 رنز کے ساتھ ناقابل شکست رہے۔
پہلے فیلڈنگ کا فیصلہ وکٹ دیکھ کر کیا، امریکی کپتان مونانک پٹیل
امریکا کی جانب سے علی خان، ہرمیت سنگھ اور کورے اینڈرسن نے ایک ایک وکٹ حاصل کی۔ ٹاس کے بعد امریکا کے کپتان مونانک پٹیل نے کہا کہ پہلے فیلڈنگ کا فیصلہ وکٹ دیکھ کر کیا، ہدف حاصل کریں گے، پہلی اننگز میں وکٹ بولرز کو مدد فراہم کرے گی۔
پہلی بار ٹورنامنٹ میں کھیل رہے ہیں، فتح حاصل کریں گے، کینیڈین کپتان
کینیڈین کپتان سعد ظفر کا کہنا تھا کہ وکٹ اچھی ہے، پہلے بیٹنگ کرنے میں کوئی مسئلہ نہیں، ورلڈ کپ میچ کا دباؤ رہے گا، تاہم پُراعتماد ہیں اور اچھی کارکردگی کا مظاہرہ کریں گے۔ یہ ہمارے لیے تاریخی دن ہے، پہلی بار ٹورنامنٹ میں کھیل رہے ہیں،امید ہے فتح حاصل کریں گے۔
ٹی20 ورلڈکپ 2024 کی افتتاحی تقریب:
میچ سے قبل آئی سی سی ٹی20 ورلڈ کپ 2024 کی افتتاحی تقریب بھی ہوئی جس میں گراؤنڈ میں کینیڈا اور امریکا کے پرچم کے ساتھ قومی ترانے بجائے گئے اور آتش بازی کا مظاہرہ بھی کیا گیا۔ امریکا اور ویسٹ انڈیز میں ہونے والے آئی سی سی ٹی20 ورلڈکپ میں 20 ٹیمیں حصہ لے رہی ہیں، 9 مقامات پر مجموعی طور پر 55 میچز کھیلے جائیں گے۔
یاد رہے کہ پاکستان آئی سی سی ٹی20 ورلڈ کپ 2024 میں اپنا پہلا میچ 6 جون کو میزبان امریکا کے خلاف کھیلے گا جبکہ ٹورنامنٹ کا سب سے بڑا ٹاکرا یعنی پاک بھارت میچ 9 جون کو نیویارک میں ہوگا۔
