پاکستان کرکٹ ٹیم ٹی20 ورلڈ کپ کے لیے امریکا میں موجود ہے اور 6 جون کو میزبان امریکا کے خلاف میچ سے قبل پریکٹس میں مصروف ہے۔
قومی ٹیم نے اپنا پہلا پریکٹس سیشن اتوار کو ڈیلاس میں کیا جس کی ایک ویڈیو سوشل میڈیا پر وائرل ہوگئی جس پر کپتان بابر اعظم کو تنیقد کا سامنا ہے۔
وائرل ویڈیو میں سنا جاسکتا ہے کہ پریکٹس سیشن کے دوران بابر اعظم گراؤنڈ میں کھڑے اعظم خان کے بارے میں کوئی لفظ بولتے ہیں جس کے بارے میں صارفین تقسیم کا شکار ہیں۔ کچھ کا کہنا ہے کہ کپتان نے اعظم خان کو ’گینڈا‘ کہہ کر مخاطب کیا ہے جبکہ کچھ صارفین کا کہنا ہے کہ بابر اعظم نے ’گینڈا‘ نہیں بلکہ ’کینڈا‘ کہا ہے جو پنجابی زبان کا لفظ ہے۔
ماریہ نامی صارف نے ویڈیو شیئر کرتے ہوئے لکھا کہ چاچا اور چھوٹا ڈان کے بعد اس بار اعظم خان ہیں جنہیں بابر اعظم کی جانب سے نیا نام ملا ہے۔
After Chacha and chota Don, this time it’s Azam khan who got a nick name by Babar Azam 😂 #BabarAzam #AzamKhan pic.twitter.com/4SVvTPkcxQ
— Mariya Rajput (@mariya_raj10) June 3, 2024
ایک صارف نے لکھا کہ جب آپ کی اپنی قومی ٹیم کے کپتان ہی اعظم خان کو ’گینڈا‘ کہہ کر مخاطب کرتے ہیں تو آپ مداحوں سے کیا توقع رکھ سکتے ہیں؟
What can you expect from fans when your own national team captain calls Azam Khan 'genda'? https://t.co/K6pDzuQA8c
— F (@falahtah) June 3, 2024
مگر دوسری طرف کچھ ایسے صارفین بھی ہیں جو اس غلط فہمی کو دور کرنے کی کوشش کررہے ہیں۔ ان کا کہنا تھا کہ بابر اعظم نے ’گینڈا‘ نہیں ’کینڈا‘ کہا ہے جو پنجابی کا لفظ ہے۔
مریم نامی صارف لکھتی ہیں کہ بابر اعظم نے کہا ہے کہ ’اس کا کندھا سیدھا نہیں ہوا‘ اور انہوں نے اعظم خان کو گینڈا کہہ کر مخاطب نہیں کیا۔ ان کا مزید کہنا تھا کہ پنجابی بولنے یا سمجھنے والے سمجھتے ہیں کہ اسے ’کینڈا‘ کندھے کو کہتے ہیں۔
he said "tera kanda nahi seedha hua" and not "Genda" anyone who is a punjabi or speaks punjabi knows kanda is called shoulder… people be really spreading anything 🤷♀️ https://t.co/9TDwtIifmf
— Maryam (@Maryam__S123) June 3, 2024
ایک ایکس صارف نے لکھا کہ بابر اعظم کہہ رہے ہیں کہ ’تیرا کینڈا نہیں سیدھا ہوا‘۔ انہوں نے مزید کہا کہ کسی پنجابی سے پوچھیں کہ اس کا اصل مطلب کیا تھا۔
He is saying "tera kenda ni seedha hoya". Ask some punjabi what he actually meant
— M. Sumair Saeed (@sumairsaeed30) June 3, 2024
واضح رہے کہ اس سے قبل بابر اعظم نے قومی کرکٹ ٹیم کے مڈل آرڈر بیٹر سعود شکیل کو ’چھوٹا ڈان‘ کہا تھا جس پر سعود شکیل کا کہنا تھا کہ یہ بابراعظم کا پیار ہے کہ وہ مجھے ’چھوٹا ڈان‘ کہتے ہیں۔
افتخار احمد کو چاچا کہنے پر قومی ٹیم کے کپتان بابر اعظم نے کہا تھا کہ افتخار احمد کو چاچا کہنے پر شرمندگی ہوتی ہے کیونکہ اس کے بعد ان کو سب ہی چاچا کہنے لگے ہیں۔
