پاکستان مسلم لیگ ن کے سینیئر رہنما عرفان صدیقی نے کہا ہے کہ نواز شریف کو وزیراعظم بنانے کی کوئی تجویز فی الحال زیرغور نہیں۔
نجی ٹی وی سے گفتگو کرتے ہوئے عرفان صدیقی نے کہا ہے کہ شہباز شریف اور مریم نواز کی مصروفیت کے باعث نواز شریف کو پارٹی صدر بنایا گیا۔
مزید پڑھیں
انہوں نے کہاکہ نواز شریف سینیئر سیاستدان ہیں جن کے تمام رہنماؤں کے ساتھ اچھے تعلقات ہیں۔
عرفان صدیقی نے کہاکہ نواز شریف کو اس بات کا غصہ ہے کہ ملک کو کہاں سے کہاں پہنچا دیا گیا۔
انہوں نے کہاکہ نواز شریف نے کسی آرمی چیف کے ساتھ محاذ آرائی نہیں کی، ہمیشہ دوسری جانب سے آغاز ہوا، مگر یہ بھی ایک حقیقت ہے کہ اور بھی کسی وزیراعظم سے آرمی چیف کی نہیں بن سکی۔
مسلم لیگی رہنما نے کہاکہ ملک میں مارشل لا کے کوئی امکانات نہیں، عمران خان سے بات کے لیے تیار ہیں مگر وہ اپنے غلطیوں کو تسلیم کریں۔
