بھارت کے ایوان زیریں لوک سبھا کے انتخابی نتائج کے مطابق وزیراعظم نریندر مودی مسلسل تیسری بار پارلیمانی انتخابات جیتنے والے پہلے سیاسی رہنما بن گئے ہیں لیکن بی جے پی بھاری اکثریت حاصل کرنے میں ناکام رہی ہے۔
بی جے پی کی قیادت میں سیاسی جماعتوں کے اتحاد ’نیشنل ڈیموکریٹک الائنس‘ (این ڈی اے) کو 543 میں سے 292 نسشتیں جبکہ کانگریس کی قیادت میں اپوزیشن ’انڈیا‘ اتحاد کو 234 نشستیں ملی ہیں۔ بی جے پی 240 سیٹیں حاصل کرنے میں کامیاب ہوئی ہے۔
کہا جارہا ہے کہ مودی نے انتخابات میں جیت تو حاصل کرلی ہے لیکن ان کا انتہا پسند بیانیہ شکست کھا گیا ہے۔ کیونکہ ایودھیا میں بابری مسجد کو شہید کرکے رام مندر کا افتتاح کرنے کے باوجود مودی کے امیدوار کو انتخابات میں شرمناک شکست سے دوچار ہونا پڑا ہے۔ مسلمانوں کے خلاف بیان بازی بھی انہیں یہاں سے کامیابی نہیں دلوا سکی۔
صارفین کی جانب سے اس پر مختلف تبصرے کیے جارہے ہیں، ایک صارف کا کہنا ہے کہ عام انتخابات نے مودی کے بہت سے دعوے اور خواب چکنا چور کردیے ہیں۔
مودی کو بڑا دھچکا!
رام مندر پر دس سال سیاست چمکانے کے باوجود ایودھیا، فیض آباد کے ہندوؤں نے مودی کو منہ نہ لگایا۔ 80 فیصد ہندو آبادی والے اہم ترین علاقے سے بھی مودی کی بی جے پی کو شکست
عام انتخابات نے مودی کے بہت سے دعوے اور سپنے چکنا چور کر دیے ہیں #IndianElections #Ayoudhya pic.twitter.com/iQCmzIlLXf
— Hafiz Usama Qazafi (@usamaqazafi333) June 4, 2024
ایک صارف نے لکھا کہ بی جے پی رام مندر کی تعمیر کے باوجود بھی یہاں سے الیکشن کیوں ہاری، اس کی وجہ ویڈیو میں موجود خاتون بتا رہی ہیں۔ ویڈیو میں موجود خاتون کا کہنا تھا کہ غریبوں کی جھونپڑی توڑ کر، غریبوں کو بے گھر کر کے لاکھ مندر بنا دیں بھگوان خوش نہیں ہوتے۔
Why did the #BJP lost #Ayodhya after building the #RamMandir.
Listen to these women !! pic.twitter.com/JZpqLCPEWF
— Hate Detector 🔍 (@HateDetectors) June 5, 2024
محمد شفیق لکھتے ہیں کہ بھارتی عوام نے مودی کی نفرت اور انتہاپسندی کی سوچ کو مسترد کردیا ہے۔ بابری مسجد کی جگہ رام مندر بنانے والی بی جے پی کو ایودھیا یعنی فیض آباد میں بدترین شکست کا سامنا کرنا پڑا ہے۔ صارف کا مزید کہنا تھا کہ مودی کے بیانیے کو شدید دھچکا لگا ہے شاید وہ پھر وزیراعظم بن جائیں لیکن دو تہائی اکثریت کے نعرے لگانے والے مودی سادہ اکثریت بھی حاصل نہیں کر سکی۔
پاکستان کے وزیر دفاع خواجہ آصف نے انڈیا میں الیکشن پر تبصرہ کرتے ہوئے لکھا کہ نفرت، مسلم اور اقلیت دشمن سیاست کرکے نریندر مودی سادہ اکثریت بھی نہ لے سکے۔
نفرت ،مسلم اور اقلیت دشمن سیاست، مودی جی سادہ اکثریت بھی نہ لے سکے. pic.twitter.com/5WZhxrTY74
— Khawaja M. Asif (@KhawajaMAsif) June 5, 2024
ایک ایکس صارف نے لکھا کہ مودی کا رام مندر کارڈ بھی کام نہ آیا، بظاہر عوام نے انتہا پسندی کو مسترد کیا ہے۔ ان کا مزید کہنا تھا کہ مودی حکومت سازی کے لیے سادہ اکثریت بھی حاصل نہیں کرسکے، وہ اکیلے حکومت نہیں بنا سکیں گے۔ صارف نے کہاکہ یہ خطے کی سیاست میں تبدیلی کا پیش خیمہ ہوگا یا نہیں، یہ وقت ہی بتائے گا۔
ہندوستانی انتخابات۔۔
رام مندر کارڈ بھی کام نہ آیا ۔۔ وزیراعظم مودی کی جماعت رام مندر حلقہ سے بھی بری طرح ہار گئ بظاہر عوام نے انتہا پسندی کو مسترد کیا حکومت سازی کے لئے سادہ اکثریت بھی حاصل نہ کر سکی اکیلے حکومت نہیں بنا سکے گی خطے کی سیاست میں تبدیلی کا پیش خیمہ ؟ وقت بتائے گا— Pervaiz Inayat Malik (@InayatPervaiz) June 5, 2024
