امریکا میں ہونے والے ٹی20 ورلڈ کپ میں آج پاکستان اپنا پہلا میچ میزبان امریکا کے خلاف ڈیلاس میں کھیلے گا۔ میچ پاکستانی وقت کے مطابق رات ساڑھے 8 بجے شروع ہوگا۔
مزید پڑھیں
تجزیہ کاروں کے مطابق، امریکی ٹیم کے مقابلے میں پاکستانی ٹیم ہیوی ویٹ کا درجہ رکھتی ہے، تاہم امریکا نے اپنے پہلے میچ میں کینیڈا کو شکست دے کر ثابت کیا ہے کہ وہ کسی بھی ٹیم کا سامنا کرنے کی قابلیت رکھتی ہے۔
دوسری جانب، امریکا آمد کے بعد گرین شرٹس کو مسلسل مشکلات کا سامنا ہے، پہلے بارش کے باعث مناسب پریکٹس کا موقع نہ ملا اور پھر آل راؤنڈر عماد وسیم انجری کے باعث پہلے میچ سے باہر ہوگئے۔
پاکستان کرکٹ ٹیم اپنے حالیہ دورہ آئرلینڈ اور انگلینڈ میں متاثرکن کارکردگی دکھانے میں ناکام رہی لیکن اس کے باوجود تجزیہ کاروں نے اسے امریکا کے خلاف میچ میں فیورٹ قرار دیا ہے۔
پاکستان کرکٹ ٹیم کی امریکا میں موجودگی پر امریکا میں مقیم پاکستانی بھی کافی پرجوش ہیں اور میچ دیکھنے کے لیے مختلف شہروں سے ڈیلاس کا رخ کررہے ہیں۔
متوقع اسکواڈز
پاکستان الیون
بابر اعظم (کپتان)، محمد رضوان، عثمان خان، فخر زمان، اعظم خان، افتخار احمد، شاداب خان، شاہین آفریدی، حارث رؤف، محمد عامر، ابرار احمد۔
یو ایس اے الیون
مونانک پٹیل (کپتان)، اسٹیون ٹیلر، اینڈریز گوس، ایرون جونز، نتیش کمار، کورے اینڈرسن، ہرمیت سنگھ، شیڈلے وین شالکوائک، جسدیپ سنگھ، علی خان، سوربھ نٹریوالکر
